Мемлекет қаржысы тиімді игерілуі тиіс

Қазақстан Президенті өзінің өкі­леттігінің біраз бөлігін биліктің бас­қа тармақтарына – Үкімет және Пар­ламентке беру арқылы ауқымды конс­титуциялық реформаны жүзеге асыруды ұсынып отыр. Елбасының бұл ұсынысы қоғам тарапынан қолдап, қуатталды. Жан-жақты талқыланды. Мәселен, Конституцияға өзгерістер енгізуге қатысты 6 мыңнан астам түзетулер мен ұсыныс-тілектер келіп түсті. Олардың барлығы талқы таразысынан өтті. Бұл өзгерістер Үкімет пен Парламенттің өкілеттіктерін кеңейтіп қана қоймай, олардың жауапкершіліктерін де арттыра түсетіні сөзсіз. Дәл қазір бұл өте маңызды. Себебі, олар Мемлекет басшысының «Қазақстанның Үшінші жаңғыруы: жаһан­дық бәсекеге қабілеттілік» Жол­дауында көтерілген мәселелерді орын­дауға, жүзеге асыруға бағытталуы тиіс. Демек, қазіргі таңда қолға алынып жатқан барлық реформалардың өзегі, міне, осыған келіп тіреледі. Олар қоғамды демократияландыру, барлық билік тармағының жауапкершілігін арттыру секілді тетіктерге сүйеніп отыр. Бүгінде егер, конституциялық реформалар жүзеге асатын болса, Үкіметтің Парламент алдындағы жауапкершілігі күшейетіндігі жөнінде көп айтылып жүр. Бұл – өте өзекті мәселе. Парламент те осы арқылы өз жауапкершілігін арттырып, бақылау тетігін нығайтатын болады. Жауапкершіліктің артуын «Нұрлы жол», «Нұрлы жер» секілді маңызды мемлекеттік бағдарламалардың қолға алынуымен де байланыстыруымыз керек. Себебі, бұл бағдарламаларға ауқымды қаржы бөлінеді, ал мемлекет қаржысының тиімді игеріліп, дұрыс нәтиже көрсетуіне тиісті деңгейде бақылау жүргізу қажет. Бұл ретте, біз мынаны ескеруіміз керек. Мемлекет басшысы билік тармақ­тары арасында өкілеттіктерді бөлу арқылы оларға үлкен сенім артып отыр. Татьяна ЯКОВЛЕВА, Парламент Мәжілісінің депутаты