Ұлттық экономика министрлігі азық-түлік бағалары неге өсіп жатқанын түсіндірді

Қазақстан Ұлттық экономика министрлігінің баспасөз xатшысы Самал Ыбыраева азық-түлік бағаларының неліктен шарықтап бара жатқанын түсіндірді, деп xабарлайды ҚазАқпарат. "Ұлттық экономика министрлігі азық-түліктік тауарлар бағасының өзгерісі туралы әрдайым xабардар етіп отырады. Негізгі назар, әрине, әлеуметтік маңызы бар тауарларға беріледі. Олардың құны жыл басынан бері небәрі 2%-ға артқан. Ең көп қымбаттаған сиыр мен қой еті. Көкөністерден картоп, пияз бен қырыққабат бағалары жоғарылады", - деді ол ОКҚ өткен брифингте. Оның сөзінше, бағалардың өсуіне маусымдық сақтауға кететін шығындардың ұлғаюы әсер етеді. Мал еті бағасының жоғарылауына жем-жөп құнының көтерілуі ықпал жасайды, себебі тасымал барысында жанар-жағармай бағалары да осы кезде қымбаттай түседі. "Қазір Ұлттық экономика министрлігі тауарлық қызметке қатысты бірқатар заңнамалық өзгерістерді дайындады. Олар қасқана баға өсіру оқиғаларына тосқауыл қоюға бағытталған", - деді ол. Атап айтқанда, әлеуметтік маңызы бар тауарларға ең жоғары баға тағайындау құзырын жергілікті билік еншісіне беру көзделген. Министрліктің бұл әрекеті бағаның көтерілуіне жедел назар аударуға септігін тигізбек. Сонымен бірге  азық-түлік тауарларының бағасына қандай себептер әсер етіп жатқандығын анықтау үшін жергілікті атқарушы органдар мен кәсіпкерлер тығыз қарым-қатынаста болады.