Мемлекет басшысы Нұрсұлтан Назарбаевтың биылғы «Қазақстанның Үшінші жаңғыруы: жаһандық бәсекеге қабілеттілік» атты Жолдауы еліміздің әрі қарайғы дамуын айқындап берген маңызды құжат болды. Бұл жөнінде Ақмола облысы Әділет департаменті басшысының орынбасары Гүлмира Әкімова айтып берді.
Жалпы, Жолдау еліміздің 25 жылда жеткен жетістіктерін түйіндеп, жаһандық бәсекелестікке қабілеттігімізді арттыруға бағытталған маңызды құжат болып табылады. Еліміздің ең басты жетістіктері дегенде, Г.Әкімова жыл басынан Қазақстанның БҰҰ Қауіпсіздік Кеңесінің тұрақты емес мүшелігіне сайлануын және Орталық Азияға ғана емес, ТМД кеңістігінде де айтулы оқиға саналатын ЭКСПО-2017 халықаралық мамандандырылған көрмесін өткізу екендігін ерекше атады.
Қазіргі таңда Қазақстан әлемнің дамыған 30 елінің қатарына қосылуға ұмтылып келеді. Бұл ретте, «Нұрлы жол» және «100 нақты қадам» Ұлт жоспарының арқасында біз алғашқы кезеңнен сүрінбей өттік. Олай болса, ел экономикасын әрі қарай өркендетуге, сонымен қатар, бизнесті қолдауға мүмкіндігіміз бар. Және де 200 мыңнан астам жұмыс орындарының құрылуы осының нақты көрінісі болып табылады.
Әлемдегі жағдай түбегейлі өзгеріп келеді. Бұл жаңа жаһандық ахуал, сондықтан да біз оны қабылдауымыз керек. Тарқатып айтқанда, әлемде Төртінші өнеркәсіптік революция басталды. Сондықтан да, Президент алдымызға Қазақстанның Үшінші жаңғыруы міндетін қойып отыр», деді Гүлмира Мұталайқызы. Бұдан кейін ол бес басымдықтың маңызын ашып берді. Жалпы, Қазақстан Дүниежүзілік экономикалық форумның (ДЭФ) Жаһандық бәсекелестік индексі (ЖБИ) рейтингінде 2007 жылы 61-ші орыннан 2016 жылы 53-ші орынға дейін көтерілді. Ал Doing Business рейтингі бойынша 59-шы орыннан 35-ші позицияға ойысуымыз жақсы нәтиже.
Г.Әкімова ДЭФ-тің Жаһандық бәсекелестік индексі 114 көрсеткіш бойынша бағаланатынын, соның 34-і халықаралық ұйымдардың статистикалық мәліметтеріне негізделсе, ал 80-і орта және ірі кәсіпорындар басшыларының пікірлеріне сәйкес жүргізілетінін жеткізді. Бұл тұрғыдан алғанда, ДЭФ ЖБИ-дегі барлық көрсеткіштеріміздің жақсара түсуі мемлекеттік органдардың осы бағыттағы жұмысының оң нәтижесін білдіреді. Әділет министрлігі 4 индикатор бойынша жауапты атқарушы болып табылады.
Жалпы, әділет саласындағы жетістіктерге кеңінен тоқталған Гүлмира Мұталайқызы Ақмола облысында 18 мемлекеттік қызмет көрсетілсе, соның 17-сі тіркеу қызметі және құқықтық көмек көрсетумен байланысты екенін, ал 1 қызмет түрі сот актілерін орындауға қатысты екенін алға тартты. 2016 жылы көрсетілген мемлекеттік қызмет облыста 95 541-ге жетсе, мерзімі өтіп кету сияқты фактілер тіркелмеген.
Сондай-ақ, төраға орынбасары мемлекеттік қызметтің 23 093-і электронды форматта көрсетілгендігін жеткізді. Бұл – 2015 жылмен салыстырғанда 13 пайызға артық. Сонымен қатар, өткен жылы 9 497 азаматқа тегін заңгерлік көмек көрсетілгені де атап өтілді. Және де сот атқарушылар тарапынан 2016 жылы атқарушылық санкцияларды орындаудың нәтижесінде республикалық бюджетке 38 миллионнан астам теңге түсіпті.
Асқар ТҰРАПБАЙҰЛЫ,
«Егемен Қазақстан»
Ақмола облысы
Мемлекет басшысы Нұрсұлтан Назарбаевтың биылғы «Қазақстанның Үшінші жаңғыруы: жаһандық бәсекеге қабілеттілік» атты Жолдауы еліміздің әрі қарайғы дамуын айқындап берген маңызды құжат болды. Бұл жөнінде Ақмола облысы Әділет департаменті басшысының орынбасары Гүлмира Әкімова айтып берді.
Жалпы, Жолдау еліміздің 25 жылда жеткен жетістіктерін түйіндеп, жаһандық бәсекелестікке қабілеттігімізді арттыруға бағытталған маңызды құжат болып табылады. Еліміздің ең басты жетістіктері дегенде, Г.Әкімова жыл басынан Қазақстанның БҰҰ Қауіпсіздік Кеңесінің тұрақты емес мүшелігіне сайлануын және Орталық Азияға ғана емес, ТМД кеңістігінде де айтулы оқиға саналатын ЭКСПО-2017 халықаралық мамандандырылған көрмесін өткізу екендігін ерекше атады.
Қазіргі таңда Қазақстан әлемнің дамыған 30 елінің қатарына қосылуға ұмтылып келеді. Бұл ретте, «Нұрлы жол» және «100 нақты қадам» Ұлт жоспарының арқасында біз алғашқы кезеңнен сүрінбей өттік. Олай болса, ел экономикасын әрі қарай өркендетуге, сонымен қатар, бизнесті қолдауға мүмкіндігіміз бар. Және де 200 мыңнан астам жұмыс орындарының құрылуы осының нақты көрінісі болып табылады.
Әлемдегі жағдай түбегейлі өзгеріп келеді. Бұл жаңа жаһандық ахуал, сондықтан да біз оны қабылдауымыз керек. Тарқатып айтқанда, әлемде Төртінші өнеркәсіптік революция басталды. Сондықтан да, Президент алдымызға Қазақстанның Үшінші жаңғыруы міндетін қойып отыр», деді Гүлмира Мұталайқызы. Бұдан кейін ол бес басымдықтың маңызын ашып берді. Жалпы, Қазақстан Дүниежүзілік экономикалық форумның (ДЭФ) Жаһандық бәсекелестік индексі (ЖБИ) рейтингінде 2007 жылы 61-ші орыннан 2016 жылы 53-ші орынға дейін көтерілді. Ал Doing Business рейтингі бойынша 59-шы орыннан 35-ші позицияға ойысуымыз жақсы нәтиже.
Г.Әкімова ДЭФ-тің Жаһандық бәсекелестік индексі 114 көрсеткіш бойынша бағаланатынын, соның 34-і халықаралық ұйымдардың статистикалық мәліметтеріне негізделсе, ал 80-і орта және ірі кәсіпорындар басшыларының пікірлеріне сәйкес жүргізілетінін жеткізді. Бұл тұрғыдан алғанда, ДЭФ ЖБИ-дегі барлық көрсеткіштеріміздің жақсара түсуі мемлекеттік органдардың осы бағыттағы жұмысының оң нәтижесін білдіреді. Әділет министрлігі 4 индикатор бойынша жауапты атқарушы болып табылады.
Жалпы, әділет саласындағы жетістіктерге кеңінен тоқталған Гүлмира Мұталайқызы Ақмола облысында 18 мемлекеттік қызмет көрсетілсе, соның 17-сі тіркеу қызметі және құқықтық көмек көрсетумен байланысты екенін, ал 1 қызмет түрі сот актілерін орындауға қатысты екенін алға тартты. 2016 жылы көрсетілген мемлекеттік қызмет облыста 95 541-ге жетсе, мерзімі өтіп кету сияқты фактілер тіркелмеген.
Сондай-ақ, төраға орынбасары мемлекеттік қызметтің 23 093-і электронды форматта көрсетілгендігін жеткізді. Бұл – 2015 жылмен салыстырғанда 13 пайызға артық. Сонымен қатар, өткен жылы 9 497 азаматқа тегін заңгерлік көмек көрсетілгені де атап өтілді. Және де сот атқарушылар тарапынан 2016 жылы атқарушылық санкцияларды орындаудың нәтижесінде республикалық бюджетке 38 миллионнан астам теңге түсіпті.
Асқар ТҰРАПБАЙҰЛЫ,
«Егемен Қазақстан»
Ақмола облысы
Соңғы жаңалықтар
