Ұйыммен өзара іс-қимылдың өзекті мәселелері талқыланды

Парламентте Сенат Төрағасы Қасым-Жомарт Тоқаев БҰҰ Бас хатшысының саяси мәселелер жөніндегі көмекшісі Мирослав Енчаны қабылдады. Кездесу аясында Қазақстан мен БҰҰ-ның өзара іс-қимылының өзекті мәселелері талқыланды. Биыл Қазақстанның Біріккен Ұлт­тар Ұйымына мүшелікке қабыл­данғанына 25 жыл толды. Осыған орай ұйымдастырылған шарада Қ.Тоқаев Қазақстанның тәуелсіз мемлекет ретінде қалыптасуы мен дамуын­дағы жаһандық ұйым­ның маңызды рөлін атап өтіп, конс­ти­ту­циялық реформаларға қатыс­ты жаңа түзетулер Қазақстан мемле­кеті­нің демократиялық, зайырлы, құқық­тық және әлеуметтік негіздерін бекітетіні туралы пікірін білдірді. «Реформа билік тармақтары арасындағы өкілеттіктерді қайта бөлуді ғана емес, тәуелсіздіктің мызғы­мастығы мен Қазақстанның Тұң­ғыш Президенті негізін қалаған басты қағидалар жөніндегі ереже­лерді де қамтиды», деді Қ.Тоқаев. Сондай-ақ, екеуара әңгіме ба­рысында Төраға Қазақстандағы Адам құқықтары жөніндегі уәкілдің мәртебесі мен жауапкершілігі күшейе түсетініне, өйткені, ол лауазымға Президенттің ұсынуы бо­йынша Сенат сайлайтынына және жұмыстан босататынына назар аударды. Кездесуде тараптар Қазақ­стан­ның БҰҰ Қауіпсіздік Кеңесіне мүше болған кездегі Орталық А­зия­дағы жағдай туралы да пікір ал­мас­ты. Сенат Төрағасы аймақтық қауіп­сіздік пен ынтымақтастықты нығай­ту Президент Н.Назарбаевтың Қауіп­сіздік Кеңесіне арна­ған Үн­деуін­дегі негізгі басымдық­тардың бірі екеніне тоқталды. Қ.Тоқаев Қа­зақ­стан БҰҰ құрылымдарымен, оның ішінде Орталық Азияға ар­нал­­ған Превентивті диплома­тия жөніндегі аймақтық орталық­пен ты­ғыз және нәтижелі ынтымақ­тас­­тық­қа сенім артатынын атап көрсетті. Айта кетейік, кездесуге осы Ай­мақ­тық орталықтың басшысы, Бас хатшының Арнаулы өкілі Петко Драганов та қатысты. Нұрлыбек ДОСЫБАЙ, «Егемен Қазақстан»