Үкіметтік комиссия жұмысын бастады

Батыс Қазақстан облысындағы су тас­қы­нына қа­тысты орын алып отырған төтенше жағдайға бай­ланысты үкіметтік комиссия жұмысын бастады. Сәуірдің 14-і күні облыс әкім­дігінде өткен комиссия отыры­сына Төтенше жағдайлар министрі В.Божко, Қаржы ми­нистр­і­нің орын­басары Б.Шолпанқұлов, Индустрия және жаңа технологиялар вице-министрі Д.Тұрғанов және бас­қа да ресми адамдар қа­тыс­ты. Жиында Ба­т­ыс Қа­зақ­стан облы­сы әкімінің орын­­ба­сары, об­лыстық тас­­қын­ға қар­сы штаб төр­аға­сы Тимуржан Шә­кімов баяндама жа­сап, қалыптас­қан жағ­дайға тоқтады. Баяндамашының айтуынша, бүгінде Жа­йық өзенінің деңгейі 694 сантиметрге жеткен, яғни 47 сантиметрге көтерілген. Шаған, Дер­көл, 1 Шежін, Быковка, Рубежка өзен-көл­де­рін­дегі су деңгейі шекті дең­гейге жет­кен. Қараөзен де кө­терілу үстін­де. Су тасқыны орын алған ай­ма­қ­тар­да 1135 тұрғын үй мен сая­жай­­дағы 2 мыңнан астам тұрғын-жай су астында қалған жә­не зақым­данған. Облыс орта­лы­ғын­да және аудандарда 5 денсау­лық сақтау ны­саны, 14 электр тарату стансасы су құр­сауын­да қал­ған. Су құр­сауында қал­ған аймақ­тардан 3 мыңнан астам адам қауіпсіз жерлерге көшірілген. Кеңесте облыс әкімі Бақ­ты­қожа Ізмұхам­бет­ов су астында қал­ған тұрғындар үшін қалада көп қабатты үй салы­на­тынын, сонымен қатар Зеленов ауда­нында жаңа ауыл бой көтеріп, қоныс­тану­шы­ларға берілетінін жеткізді. Төтенше жағдай­лар министрі В.Божко тиісті сала жетекшілеріне нақты тапсырмалар беріп, қа­таң бақылауда ұстауды тапсырды. Тағы бір айта кетер жәйт, тө­тенше жағдай орын алғалы тас­қын салдарынан үш адам облыс­тық ау­руханаға түсті. Олардың бірі ми қан тамырларының жедел бұзылуы себепті инсультпен, екін­­­шісі қан қы­сымының жоға­рылауы­мен түскен. Үшін­­ші адам зат­та­рын судан аман алып қалу мақ­са­тында екінші қабатқа тасу кезінде жо­ғарыдан құлап, дене жарақаты­мен түсті. Облыстық ауруха­на­ның бас дәрігері Ерлан Тоқ­сановтың айтуынша, нау­қас­тардың жағдайы айтар­лықтай мүшкіл емес. Екі-үш күн тура­сында су басу қаупіне байла­ныс­ты облыстық кар­диоо­р­та­лықтың барлық науқас­тар­ы осы ауру­ханаға орналас­ты­рылған еді. Бұл шара алдын-ала ұйым­дасқан түрде сәтті жүзеге асқан. Бас­тапқыда аталмыш орта­лық­тан облыстық ауруханаға бар­лығы 151 науқас кө­ші­ріл­се, бүгінде кейбір науқастар­дың жағдайы тү­зеліп, үйлеріне қайтуларына бай­ланысты 103 адам ем қабылдауда. Азық түлік, дәрі-дәрмек жеткілікті. Кеше өңірдегі осынау жағ­дайға байланысты Оралда қоғам­дық ұйымдар, саяси партиялар және ұлттық-мәдени орталықтар өкілдерінің жиналысы өтті. Онда өңірімізде су тасқынынан зардап шеккендерге көмек беру  үшін қоғамдық штаб құрылды. Сәкен МҰРАТҰЛЫ. ___________________ Суреттерді түсірген Рафхат Халелов.