Ол үшін қаланың батыс аймағында арнайы белгіленген жер телімдеріне қажетті инженерлік-коммуникациялық инфрақұрылым тартуды аяқтау үшін инфрақұрылымды дамыту бағдарламасы аясында қазынадан 476,7 миллион теңге бөлініп отыр. Аталған қаражатқа ұзындығы 14,2 шақырым кәріз желілерін, 29,4 шақырым электр желілерін салу жоспарлануда.
Құрылыс жұмыстарының бас мердігері – «Қазбайлық Астана» жауапкершілігі шектеулі серіктестігі. Бүгінгі таңда 18,5 шақырым су құбыры және 10 кВт электр желілері құрылысы толығымен аяқталды. Қазіргі уақытта жұмыс кестесі бекітіліп, 0,4 кВт желілерінің тіреулерін орнату бойынша жұмыстар атқарылып жатыр.
Бүгінге дейін Жезқазған қаласы бойынша жеке тұрғын үй құрылысына жер телімдерін алуға 2415 азамат өтініш берген. Осы орайда, барлығы 144 пәтерлі төрт көп қабатты тұрғын үйдің құрылысына қажет жобалық-сметалық құжат дайындауға 47,7 миллион теңге бөлініп, мердігер іске кіріскенін айта кеткен жөн. Аталған жоба жүзеге асқан жағдайда, мемлекеттік тұрғын үй қорынан баспана алу кезегінде тұрған 2002 азаматтың тізімі 1878 адамға қысқармақ.
Дархан Мұқан
Қарағанды облысы,
Жезқазған қаласы
