Облыстық ішкі істер департаментінің ұйымдасқан қылмысқа қарсы күрес басқармасы қызметкерлері жедел іздестіру шараларын өткізу барысында Ақсай қаласының орталығында орналасқан екі қабатты ғимараттан заңсыз жұмыс істеп келген құмар ойын мекемесін анықтады.
Тексеру барысында ойын залынан «Русская рулетка» деген жазуы бар бес дана ойын автоматы және ойын барысында жиналған ұтыс ақшалары табылып, тәркіленді. Іс-шараны жүзеге асыру сәтінде залда құмар ойынға бастары айналған бес адам болған. Бұл ойын залының иесі Ақсай қаласының А. есімді 20 жасар тұрғыны болып шықты.
2007 жылдың 1 сәуірінен бастап күшіне енген «Ойын бизнесі» туралы заңды аталған тұлға өзінің заңсыз іс-әрекеттерімен осылайша бұзып келген.
Енді заңды белінен басып, осы уақытқа дейін ойындағысын жүзеге асырып келген жүгірмек қатаң жауапкершілікке тартылатын болады.
Фатихолла МАШТАҚОВ, полиция полковнигі.
Батыс Қазақстан облысы.
Соңғы жаңалықтар
Бурабайдағы Мультимедиалық интерактивті кешенге келушілер көп
Аймақтар • Бүгін, 01:26
Аяз, көктайғақ: 16 облыста дауылды ескерту жарияланды
Ауа райы • Бүгін, 00:16
2027 жылы Астанада бокстан әлем чемпионаты өтеді
Спорт • Кеше
Алматы облысының меншігіне 86 мың га жер қайтарылды
Аймақтар • Кеше
