24 cағат

Ұлыбритания қарулы күш­терінің генерал-майоры өз елі авиациясының соңғы күндері Ливия аспанындағы іс-қимыл­дары туралы есеп берді. Ұшақ­тар негізінен ел орталығындағы Мисураты ауданы төңірегіне назар аударған. Ресей президенті Д.Медведев пен Украина президенті В.Янукович Чернобыль АЭС-індегі апаттың зардабын жою­шы­ларға ескерткіштің алғаш­қы тасын қалады. Монумент ша­һардағы саябаққа орна­тыл­мақ. Қытай БАҚ-тары елде жа­сал­ған J-15 Flying Shark палу­ба­лық жойғыш ұшағының алғаш­қы суретін жариялады. Оны сы­нақтан өткізу үстіміздегі жыл­дың аяғына белгіленіп отырған көрінеді. Ресейдің Волгоград қала­сын­да екі жарылыс жасалды. Біреуі ІІМ заң академия­сы­ның маңындағы автотұрақта, екіншісі жол полициясы ғи­ма­ратының жанында жасалған. Жараланғандар бар болға­ны­мен, қаза тапқандар жоқ сияқты. «Балтия» порталының (Латвия орыс қауымының порталы) бас редакторы Сергей Малаховский Эстония аумағына кіргенімен, көп кешікпей шығарып жіберілді. Ол ел аумағына кіруге тый­ым салынғандар тізімінде екен. Украинаның Сума облы­сын­дағы Бурынь селосында белгісіз біреулер темір-бетоннан құйылған В.Лениннің ескерткішін жерге құлатып, кеңес көсемінің «басын ал­ған». Жалпы, Украинада Ленин мен Сталин ескерткіштері жиі-жиі «шабуылға» ұшы­рап тұрады. Сұрау салынған мысырлық­тардың 62 пайызы елде шариат нормаларына негізделген заң­дар енгізілуіне қолдау білдірген. Тағы 27 пайызы ел заңдары мұ­сылман дінінің жалпы қағидат­тарына бағдарлануы тиіс деп есептейді екен. Түркияда армяндар мен тү­ріктердің достығын білдіретін ескерткішті бұзу үдерісі бас­талды. Армения шека­ра­сы­нан 40 шақырым жердегі Карс қаласында орнатылған мо­нументті толықтай бұзу 10 күнге созылмақ көрінеді. Пәкстанда соңғы екі күнде жолаушылар автобусына үш мәрте шабуыл жасалды. Алғаш­қы шабуыл кезінде 15 адам көз жұмса, араларында көптеген әй­ел­дер мен балалар бар екен. Соңғы екі шабуылдан үш адам опат болса, 30-дан астамы жа­раланған. Ауғанстанның Қандағар қа­ласындағы түрмеден қаш­қан 500-ге жуық  тұтқынның шамамен 65-і ұсталған. Қаш­қындардың 100 шақтысы дала командирлері көрінеді. Бұл соңғы үш жылдағы осындай екінші жаппай қашу болып табылады. Киноактер және Калифорния штатының бұрынғы губер­на­торы Арнольд Швар­ценег­гердің АҚШ президенттігіне тү­суім мүмкін деген шамшыл ниетін естіген Еуропарламент де­пу­таттары оны күлкіге айналдырды. Интернет материалдары негізінде әзірленді.