Әулиеатаның Жамбыл ауданы, Бектөбе ауылында орналасқан «Атшабар» кешенінде 1996-1999 жылы туған жастар арасында Ұлттық ат спортынан Қазақстан Республикасының ХІІІ чемпионаты өтті. Алты күнге созылған чемпионатқа Алматы, Ақмола, Павлодар, Ақтөбе, Қарағанды, Маңғыстау, Солтүстік Қазақстан, Батыс Қазақстан, Оңтүстік Қазақстан, Қызылорда, Жамбыл облыстарынан және Алматы қаласынан 12 команда қатысты.
Жарыс бойынша 240 спортшы көкпар тарту, жамбы ату, теңге ілу, аударыспақ сынды ойын түрлерінен өнер көрсетті. Нәтижесінде, бірінші орынды Жамбыл облысы жеңіп алды. Екінші орынды Маңғыстау, ал үшінші орынды Алматы облыстары иеленді.
Хамит Есаман,
«Егемен Қазақстан»
Жамбыл облысы
