Тапсырма орындалуымен құнды

Әділет министрлігінде  «Нұр Отан» ХДП Партиялық бақылау комитетінің төрағасы Боран Рахымбеков еліміздің барлық облыстары мен Астана және Алматы қалаларындағы партия белсенділерімен бейнемәжіліс өткізді, деп хабарлады «Нұр Отан» ХДП-ның баспасөз қызметі. Мәжіліс жұмысына Партия­лық бақылау комитеті хатшы­лы­ғының жауапты қызметкерлері, ай­мақтық филиал төрағала­ры­ның бірінші  орынбасарлары, пар­тиялық бақылау комиссия­ла­ры­ның төрағалары, партия фи­лиалдары жанынан құрылған жемқорлықпен күрес жөніндегі қоғамдық кеңес төрағалары, түр­лі деңгейдегі мәслихаттардағы партияның депутаттық фрак­ция­сының жетекшілері және бұ­қа­ралық ақпарат құралдарының өкілдері қатысты. Елбасымыз, партия Төрағасы Нұрсұлтан Назарбаев «Нұр Отан» ХДП ХІІІ съезінде және Үкі­меттің кеңейтілген мәжілі­сін­де еліміздің әлеуметтік-эко­но­микалық дамуына бағыт­тал­ған мемлекеттік бағдарлама­лар­ды жүзеге асыруда партиялық бақылау жұмысын күшейту мен әрбір партия мүшесінің партия жарғысы мен бағдарламасының талаптарын сақтауын қамта­ма­сыз ету жөнінде тапсырмалар берген болатын. Партия Төрағасының осы тапсырмаларын орындау мақса­тын­да партиялық бақылау комитеті тарапынан партиялық ба­қылау комиссиясының жұмысын жетілдіру бойынша арнайы әдіс­темелік нұсқаулық жасалып, ай­мақтардағы партиялық бақылау комиссияларына жолданды. Мәжіліс қорытындысына сай аймақтық филиалдардағы пар­тиялық бақылау комиссия­ларына ішкі партиялық тәртіпті сақтау мен әрбір партия мү­шесінің мемлекеттік қызмет пен қоғамдық тапсырмаларды орын­дау сапасын күшейтуге ба­ғытталған нақты жұмыстар белгіленді.