Бейбітшілік пен тұрақтылық – күн сайынғы еңбекпен қорғап, нығайтуды қажет ететін жалпыхалықтық жетістік», деп атап өткендей, тәуелсіз Қазақстан бүгінде өзін татулық пен келісімнің мекені ретінде дәлелдеп, бейбіт өмірдің бесігіне айналып отыр.
Мемлекетімізде Қазақстанды Отаным деп қабылдаған әр түрлі ұлт өкілдерінің өзара достық пен татулықта өмір сүруіне барлық жағдайды жасауда. Әр ұлтқа өз ана тілін меңгеріп, салт-дәстүрі мен әдет-ғұрпын жаңғыртуда және мәдениеті мен әдебиетін дамытуда қамқорлық көрсетіліп, жұмыстарды жетілдірілу үстінде. Сондай-ақ, түрлі этнос өкілдері де еліміздің дамуы жолында еңбек етіп, игі бастамалардың басы-қасынан табылуда. Соның ішінде, Қазақстанда тұрып жатқан әзербайжан ұлты да еліміздің бірлігі мен дамуына өз үлестерін қосуға атсалысуда.
«Намус» әзербайжан этномәдени бірлестігі 2001 жылдың 6 тамызында құрылған болатын. Бүгінгі күнде біздің бірлестік Қарағанды облыстық Қазақстан халқы Ассамблеясымен тығыз қарым-қатынаста жұмыс жасауда. Бірлестік әзербайжан ұлтының ғана емес, басқа да ұлттар мен ұлыстардың тарихын, мәдениетін, тілін, салт-дәстүрін білуде маңызды рөл атқарады. Өңір бойынша «Намус» қоғамдық бірлестігінің Теміртау, Саран және Шахтинск қалаларында филиалдары жұмыс істейді.
Бірлестік жанында мемлекеттік және әзербайжан тілін оқытатын сыныптар ұйымдастырылған. Туған тілді үйрену әзербайжан ұлтының салт-дәстүрін, мәдениетінің сақталуы мен дамуына дәнекер болары сөзсіз.
Болашақ білімді жастардың қолында екені анық. Елбасы биылғы «Қазақстанның Үшінші жаңғыруы: жаһандық бәсекеге қабілеттілік» Жолдауында «IT-білімді, қаржылық сауаттылықты қалыптастыруға, ұлтжандылықты дамытуға баса көңіл бөлу керек», деп айқындап өтті. Сол себепті, бірлестік жастармен жұмысқа ерекше көңіл бөледі. Олармен Елбасы Жолдауында атап көрсеткен білім, ғылым салалары және үштілді оқыту бойынша танымды, тағылымды кездесулер жиі өткізіліп тұрады.
Облыстық Қазақстан халқы Ассамблеясы атынан мемлекеттік органдар және мекемелермен бірлесіп жұмыс жасайды. Сонымен қатар, бірлестік қоғамдық келісім мен азаматтық бейбітшілікті нығайту, облысымызда тұрып жатқан этностардың дәстүрлерін, мәдениетін насихаттау мақсатындағы түрлі іс-шараларды ұйымдастыруда. Бірлестіктің басты мақсаты – Қазақстан халқы Ассамблеясының негізгі ұстанымы болып табылатын татулық пен ұлтаралық келісімді нығайтуға атсалысу.
Мемлекетіміздің ажырамас бөлшегі ретінде әзербайжандар бірлігі жарасқан берекелі еліміздің болашағына өзіндік үлесін қосуды қасиетті борышы санайды және Қазақстан халқы Ассамблеясының XXV мерейтойлық сессиясымен құттықтайды.
Гюлага Векил-оғлы РЗАЕВ,
«Намус» әзербайжан ұлттық-мәдени қоғамдық бірлестігінің төрағасы, облыстық Қазақстан халқы Ассамблеясының мүшесі
Қарағанды облысы