Журналистер байқауы басталды

«Нұр Отан» халықтық-демо­кра­тия­лық пар­тия­сының баста­ма­с­ы­мен жа­рия­ланған «Нұр Сұң­қар» жур­налистер байқауы бас­талды. Биылғы байқау Қа­зақ­стан Респуб­ликасы Тәуелсіз­ді­гінің 20 жыл­­дығына орайластырылған. Бұл туралы «Нұр Медиа» холдингі құрамына кіретін «Астана қа­ла­сы­ның теледидары» бағдар­ла­ма­сы­­ның жаңа студиясына келген «Нұр Отан» халықтық-демокра­тия­лық пар­­тиясы Төраға­сы­ның бірінші орынба­са­ры Нұр­лан Нығматулин хабарлады. «Биыл дәстүрге айналған «Нұр Сұңқар» республикалық пар­тиялық журналистер байқауы еліміздің бас­ты мерекесі – Қазақстан Тәуел­сіз­ді­гі­нің 20 жылдығына арналады. Сон­дық­тан, еліміз үшін аса ма­ңыз­ды осы мерекелік оқиға біздің жур­на­лис­тердің үлкен шығармашылық жұ­мыстарына мүмкіндік береді деп сенеміз», – деп атап өтті Нұрлан Нығматулин. Әдеттегідей байқауға барлық бұ­қаралақ ақпарат құралдарының қа­ламгерлері, операторлары, фототілшілері  – орталық БАҚ-тардан бас­тап аудандық шағын ақпарат құрал­дарына дейін қатыса алады. Байқау 18 номинация бойынша жүреді, олар­дың 9-ы – қазақ, 9-ы орыс тілдерінде. Атап айтқанда, жеңім­паз­дар таңдаулы талдау материалдар үшін, ақпарат берудегі ерекше шы­ғар­машылық көзқарас үшін, ең таң­даулы операторлық жұмыс және де фотоматериал үшін анықталатын бо­лады. Жас журналистердің жұ­мыс­тары да жүлделерге ие болады. Кең көлемді қоғамдық-саяси бағ­дарламалар, ток-шоу, дөңгелек үс­телдер, жаңалық бағдарлама­лар­ды жазуға арналған және де заманауи құрылғылармен жабдықталған жаңа студиялық павильон бүгінгі таңда телевизиялық бағдарлама­лар­дың жо­ға­ры сапалылығын қамтама­с­ыз етуге мүмкіндік береді. «Егемен-ақпарат».