Бар жақсылық – балаларға

Астанада шағын-футболдан балалар және жасөс­пірімдер арасында «ҚазМұнайГаз» кубогы үшін қалалық турнир басталды. Жексенбі күні Астана қала­сындағы  № 28 орта мектептің спорт алаңында басталып, еліміз Тәуелсіздігінің 20 жылды­ғына орай өткізіліп отырған турнирдің ұйымдас­тыру­шы­лары – «Қаз­МұнайГаз» ҰК» АҚ, Қазақстан Футбол федера­ция­сы, Астана қа­ласы білім басқармасы мен «Шы­­ғыс» балалар мен жас­өспі­рімдер орталығы. Турнир елімізде бұқаралық спортты дамыту және балалар мен жасөспірімдер футболын көп­шілікке дәріптеу мақсатында өт­кі­зілуде. Шараға 2000-2001 жыл­­да­ры туған Астана қаласы­ның жал­пы білім беретін мек­теп­терінің 80 оқушысы қатысу­да. Тур­нирдің ашы­лу салтана­тын­да команда­лар­ды «Қаз Мұ­найГаз» АҚ бизнесті қолдау жө­нін­дегі бас­шы менеджері Серікбек Елшібеков, Қазақстан Футбол федера­циясының атқарушы ди­ректоры Әлия Дүйсекеева  және басқалар құттықтады. Биылғы жылы мұндай турнирлер ҚМГ еншілес компаниялары «ҚазТрансГаз» АҚ және «Қаз- Транс­Ойл» АҚ қолдауымен Шым­кент және Павлодар қалалары мектеп оқушыларының арасында да өткізіледі. Қалалық жарыстарда бірінші және екінші орын алған командаларға республикалық фи­налға жолдама беріледі. Бұл турнирлерді «ҚазМұнайГаз» ҰК көп қызметті спорт алаңдарында өт­кі­зу жоспарлануда. Құрылыс бағ­дар­ла­ма­сына сәйкес 2010 жылы ҚМГ жә­не оның еншілес компа­ния­лары – 29, Астана қаласында – 10, Маңғыстау облысының Жаңаөзен қаласында – 10, Шым­кентте – 3, Павлодарда  5 спорт алаңының құ­рылысын аяқтады. Биылғы жы­лы Алматы қаласында – 5, еліміздің басқа да аймақтарында 15 спорт ала­ңын салу жоспар­ла­нып отыр. Спорт алаңының құ­рылысына қолданылатын материалдар мен технологиялар эколо­гия­лық, са­ни­тарлық-гигиеналық, өртке қар­сы және басқа да ережелер мен талаптарға сай келеді жә­не спорт­тық жамылғыны кәсі­би түрде орнату көзделуде. Футбол алаңындағы жасанды көгал FIFA және UEFA-да сертифи­кат­талып, аттестациялаудан өткен. Қалалық турнирде жеңімпаз атанған, екінші және үшінші орын алған командалар «Қаз­МұнайГаз» кубогымен, дипломдармен және тиісті дәрежедегі  ме­дальдар және естелік сый­лық­­тармен марапатталады.