Даму стратегиясы талқыланды

Кеше еліміздің Сыртқы істер министрі Ержан Қа­зы­ханов Элизабет Йеггленің басшылығымен Германия Федеративті Республикасының атынан келген бір топ Еу­ропалық Парламент депутаттарын қабылдады. Басқосу кезінде тараптар Еуроодақтың Орталық Азия бойынша даму стратегиясын талқылап, келіссөздер жүргізді. Талқы таразысына түскен мәселелердің негізгі өзегі – ор­тақ мүдде мен ортақ құн­ды­лыққа негізделді. Әсіресе, Қа­зақстанның сыртқы саясатында Еуроодақпен ортақ мүдделер мен құндылықтар басшылыққа алын­ған байланыстар айрықша стратегиялық басымдыққа ие екендігі айтылды. Қазақстан мен ЕО азаматтары, сондай-ақ сая­саткерлері арасындағы екі­жақ­ты байланыстарды кеңей­ту­де еліміз бен биылғы жылы 10 жыл толып отырған Еуроодақ парламенттік ынтымақтастық комитетінің рөлі де назардан тыс қалмады. Жиын аясында Қазақстанның демократиялық реформаларды жүзеге асыруын­да­ғы, заңды ырықтандыру, со­ның ішінде 2009-2012 жыл­дарға арналған адам құқық­тарын қорғау жөніндегі ұлттық іс-қимыл жоспарын және 2010-2020 жылдар аралығын көз­дей­тін Құқықтық саясат тұжырым­дамасын жүзеге асырудағы Қа­зақстанның ұстанымдары атал­ды. Сапардың негізгі мақсаты – ел Парламенті мен Еуропарламент арасындағы үнқатысуды жандандыру болғандықтан, әң­гіме барысында өткен жылы қазан айында Қазақстан Президенті Н.Назарбаевтың Брюссельге сапары және оның Еу­роодақ басшылығымен кездесулері түрлі салалардағы ынты­мақтастыққа елеулі әсер етіп, ынтымақтастықты нәтижелі әріп­тестік деңгейіне шығаруға ықпал жасағаны да аталды. Сыртқы істер министрі Ержан Қазыханов Қазақстан мен Еуроодақ арасындағы саяси және экономикалық үнқаты­суды дамытуда еліміз «Еуро­па­ға жол» мемлекеттік бағдар­ла­масын және Еуроодақтың Орталық Азиядағы даму стра­тегиясын тиімді жүзеге асыру, Қазақстан мен Еуроодақ ара­сында жаңа базалық келісім жасаудың маңыздылығын тілге тиек етті.  Сондай-ақ келген қонақтарды елдегі саяси және экономикалық өзгерістермен таныстырып өтті. Кездесу аясында тараптар екі жаққа да қызығушылық ту­ды­рып отырған бірқатар жәйт­ті талқыға салды. Олардың ішінде Қазақстан мен ЕО ара­сындағы энергетикалық және инвестициялық салалардағы әрі­птестік және Қазақстан мен Германия арасындағы сауда-экономикалық салалардағы ық­палдастық мәселелері бар. Германиядан келген делега­цияның жетекшісі Элизабет Йеггле кездесуден соң журналистерге берген сұхбатында Еу­ропарламент депутаттары Қа­зақстанның өкілі ретінде Сырт­қы істер министрінен «Еу­роодақтың Орталық Азия­дағы даму стратегиясын жалпы өңір бойынша қарастыру керек пе, әлде оны әр ел бойынша жеке қарастырған дұрыс па?», – деген мәселе төңірегіндегі көз­қарасын білгендерін айтты. Ал Еуропарламенттің депу­таты Иоахим Целлер өзінің сөзінде: «Қазақстан Еуроодақ үшін маңызды әріптес, себебі ол Азия мен Еуропа ара­сындағы «көпір-мемлекетке» айналды. Біз Қазақстанның 20 жыл ішінде жүргізген демо­кратиялық реформалар сала­сындағы тәжірибесін және бұл бағытты болашақта қалай да­мыту көзделініп отырғандығын зерттегіміз келеді», – деген ойын жеткізді. Ләйла ЕДІЛҚЫЗЫ.