Тараз қаласындағы облыстық перинаталдық орталықта «Ана мен бала» аллеясы ашылып, гүлге оранған алаңқайға сәбиін иығына көтерген бақытты ананың ескерткіш-мүсіні орнатылды. Бұл игі іс облыс әкімдігі жанындағы әйелдер істері және отбасылық-демографиялық саясат жөніндегі комиссияның және облыстық денсаулық сақтау басқармасының ұйымдастыруымен дүниеге келді.
Он екі ұл-қыз өсірген ардақты ана Гүлсім Сапарбекова ақ батамен «Ана мен бала» ескерткішін ашып, перинаталдық орталықта денсаулықтарын күтіп жатқан келіндерінің аяқ-қолдары жеңіл болуын тіледі. Бүгінде 25 немере, 27 шөбере сүйіп отырған алтын құрсақты ананың ақ тілегіне жиналғандар дән риза болысты.
Ел тәуелсіздігінің жиырма жылдығына орай облыста жалпы 20 «Ана мен бала» аллеясы мен гүлзарын ашу жоспарланып отырған көрінеді. Оның басы-қасында облыстық іскер әйелдер қауымдастығының төрайымы Гүлдара Нұрымова үлкен ұйымдастырушылықпен көрініп жүр.
Көсемәлі СӘТТІБАЙҰЛЫ.
Жамбыл облысы.
Соңғы жаңалықтар
Қарағанды облысында алты жасар бала мұзға батып кетті
Төтенше жағдай • Бүгін, 16:22
Анасы түрмедегі ұлына телефон кіргізбек болған
Қоғам • Бүгін, 15:45
Семейде 22 жастағы жігітті азаптап өлтірген күдікті 12 жылға сотталды
Қылмыс • Бүгін, 15:20
Қар, көктайғақ және тұман: Қазақстанда ауа райы күрт құбылуы мүмкін
Ауа райы • Бүгін, 14:52
Роза Рымбаева жаңа атаққа ие болды
Мәдениет • Бүгін, 14:10
Шымкентте екі қабатты мейрамхана өртке оранды
Шымкент • Бүгін, 13:33
