Сенім грамоталарын қабылдады

Ақордада Қазақстан Респуб­ликасының Мемлекеттік хат­шы­сы Қанат Саудабаев еліміздегі Мексика, Замбия, Вене­суэла, Бангладеш елшілерінен Сенім грамоталарын қабыл­дады. Мексика елшісі Хайме Гарсия Амарал мен боливиялық Вене­суэ­ла елшісі Давид Ниевес Веласкоздан Сенім гра­мо­таларын қа­былдаған Мемлекеттік хатшы екіжақты кездесулер барысында Қазақ­стан­ның Латын Америкасы құрлы­ғын­дағы елдермен саяси, сауда-эко­но­ми­ка­лық және мәдени салаларда ынтымақ­тас­тық орна­туға қызығушылық таны­тыл­ға­нын айтса, мұхиттың ар жағынан келген елшілер ынтымақтас­тық­ты қай салада да өрістетуге пейілді екендіктерін білдірді. Мұнан соң Мемлекеттік хат­шы Замбия Республикасының елшісі Патрик Найлоби Синьинзадан, Гана Рес­пуб­ли­ка­сының елшісі Сет Корнатенг пен Бангладеш Халық Республикасының елшісі Мұхаммад Имраннан Сенім грамо­та­ларын қабылдап, олармен өткізген екі­жақты кездесулерінде елдер арасындағы қарым-қаты­настарды дамытумен бірге, өңір­лік және халықаралық ұйымдар шеңберінде өзара іс-қимылдарды өріс­тету мәселелері сөз болды. Кездесулер барысында тараптар жоға­ры­да аталған елдерде бо­ла­шақта дипло­ма­тия­лық өкілдік­тер ашу жайын да әңгіме етті. Анар ТӨЛЕУХАНҚЫЗЫ.