64 килода жартылай финалға дейін алқынбай жеткен Бекдәулет Ибрагимовтің ақтық сынға шығуға толық мүмкіндігі бар еді. Алайда, оның қарсыласы – өзбек Икболжон Холдаров бірде қолының ұзындығын, бірде аяғының жылдамдығын пайдалана отырып, жерлесімізден басым түсті.
Бекдәулет бізге берген арнайы сұхбатында: «Мен шаршаған жоқпын. Қарсыласым қолы мен бойының ұзындығын пайдаланып отырды. Онымен тағы кездесер болсам, басқа тактика ойластырып шығамыз. Екеуміздің жекпе-жегіміз тең дәрежеде болды деп ойлаймын. Енді бұл жеңілісті ұмытып, әлем чемпионатына дайындықты бастауымыз керек», – деді.
Алмас МАНАП,
«Егемен Қазақстан».
Ташкенттен
