Азық-түлік белдеуінің берері көп

Талдықорғанда республикалық деңгейде өткен кеңесте Елбасы тапсырмасын орындау жайы талқыланды Алматы облысы әкім­ді­гі­нің мәжіліс залында  Ауыл ша­­руа­шылығы министрі Асыл­­жан Мамытбеков пен Алматы қала­сының әкімі Ахметжан Есі­мов­тің, Алматы об­лысының әкімі Аңсар Мұ­са­ханов және Оң­түстік Қазақ­стан, Жамбыл об­лыстары ауыл ша­руашылығы бас­қа­р­м­алары бас­тықтарының қа­ты­суымен рес­публикалық кеңес өтті. Жиынды ашқан Алматы об­лысының әкімі Аңсар Мұ­са­ханов салалық бағдарламаны орын­дау бағытында облыс аума­ғында атқарылып жатқан жұ­мыстарға жан-жақты тоқ­талды. – Соңғы жылдары жергілікті жерде өсірілген, өндірілген және өңделген ауыл шаруа­шы­лығы өнімдерін  Алматы қала­сына апарып, қалалықтарға қо­лайлы бағамен сату ұйым­дас­ты­рылып келеді. Қоңыр күзден бас­талып, қыс біткенше жалғасатын ауыл шаруашылығы жәрмеңкеле­рін қала тұрғындары асыға күте­тін болды. Дегенмен, барлығы керемет деп айтуға келе қоймас. Бізде де кемшін қалып жатқан тұстардың бар екендігі анық. Сондықтан бүгінгі басқосуға министр мен Алматы қаласы әкімі­нің  және басқа да жауапты тұл­ға­лардың қатысып отырғанын пайдаланып, Елбасының «Алма­ты қаласының азық-түлік белдеуін қалыптастыру» салалық бағ­дарламасын  табысты орындау жол­дарын қарастырмақпыз. Өз ойларыңыз бен ұсыныс­та­ры­ңыз­ды ашық айтып, мәселелерді бірлесе шешейік, деді ол. – Алматы қаласының жағ­дайы жақсы болса, елдегі ахуал да дұрыс болады десем, ешкім артық айттың дей қоймас, – деді сөз алған Алматы қаласының әкімі Ахметжан Есімов. – Оң­түстік астананың ел тірлігіндегі, дамуындағы алатын орны туралы Елбасы келелі кеңес­тер­де жиі айтады. Осыған орай ай­тарым, Мемлекет басшысы­ның тапсырмасын жете тү­сінбей отыр­ғандар да бар сияқ­ты. Өйт­кені, респуб­ли­ка­лық кеңеске арнайы шақы­рылған Оңтүстік Қазақстан және Жамбыл об­лыстары бү­гінгі басқосуға онша ынта та­нытқан жоқ. Аталған облыстар мен Алматы қала­сы­ның ара­сында ауыл шаруа­шы­лығы тауарларына қатысты жасал­ған келісімдер бар еді. Олар­дың көбі орындалмай қал­ды. Бізді алаңдататыны – дү­кен­дер сөрелеріндегі түрлері көз сү­ріндіретін азық-түліктің ара­сын­да өзіміздің көзімізге от­тай басылуы тиіс жергілікті өнім­дердің аздығы. Оңтүстік Қазақстан облыс­тық ауыл шаруашылығы бас­қар­масы бастығының орын­ба­са­ры Болатай Тастанов өзде­рі­нің  көкөніс және жеміс-жидек өсірудегі қалыптасқан тәжіри­бе­лері туралы баяндап, алдағы кезде Алматы қаласына ерте пісетін көкөніс түрлерін жеткізуге қатысты ұсыныстарын ортаға салды. «Алматы» әлеуметтік-кәсіпкерлік корпорациясы» Ұлттық компаниясы» акционерлік қоғамының төрағасы Керімжан Бижанов пен «Жетісу» әлеу­меттік-кәсіпкерлік корпорациясы» Ұлт­тық компаниясы» акционерлік қоғамы­ның төрағасы Бақыт Атайбеков әлеу­мет­тік-кәсіпкерлік корпорациялар жұ­мы­сына қатысты бірқатар ұсы­ныс­тарын айтып өтті.  «Адал» акционерлік қоғамының басшысы Сейсенхан Сма­ғұлов кәсіпкер ретінде қаралған мә­селеге қатысты ойларын білдірді.  «ҚазАгро» Ұлттық-басқару холдингінің атқарушы директоры Бақыт Құдабаева болса, дәл қазіргі кезде ауыл ша­руа­шылығын қаржылай қолдаудың ба­рын­ша күшейгенін айта келе, іс тетігін тап­қандардан мемлекет ақша аямайтынын біл­дірді. Несие алу, субсидияға қол жеткізудің талаптары мен артық­шы­лықтарын жан-жақты түсіндірді. Ауыл шаруашылығы министрі Асыл­жан Мамытбеков еліміздегі ауыл шаруашылығы саласының қазіргі жай-күйіне қысқаша тоқтала келе, айтылған ұсыныстарға қатысты өз ойын білдірді. –  Осыдан бірер ай бұрын ғана оңтүстік астанада Елбасының қатысуы­мен аталған мәселеге қатысты келелі кеңес болғанын білесіздер.  Сондықтан бағдарламаның орындалуына мықтап назар аударып, аталған бағыттағы жұ­мыстарды барынша күшейту керек. Бұл міндетті атқаруда негізгі салмақ Алматы облысына түседі. Бірақ аймақтағы басқа облыстар да сырт қалмауға тиісті, – деді ол. Күмісжан БАЙЖАН, Алматы облысы.