Сайттағы жалған мәлімет бір күні жарға жықпай ма?

Жоғарғы Сот судьясына мү­ше болуға және тағы басқа су­дья­лық бос орындарға канди­даттарды ұсыну балама түрде өтетіні туралы Жоғарғы Соттың қаулысы Жоғары Сот Кеңесіне би­ылғы 8 маусымда ұсыныл­ғаны туралы Жоғарғы Соттың сайтында айтылған болатын. Және онда бос орынға ұсы­ныл­ған кандидаттар туралы мағ­лұматтар беріліп, кандидат­тар­ды тағайындауды ашық және жа­риялы түрде өткізу мақса­тын­да, олар туралы пікір айтам деушілер өз пікірін Жоғарғы Сот­тың сайтына немесе сайтта көр­сетілген мекен-жайға жіберуге бола­ты­ны айтылды. Айта кету керек, шынында, бұл қоғамда көптен күтіліп жүр­ген оң және өте дұрыс шешім еді. Сон­дықтан, сайттағы ақпа­рат­пен та­нысқандар арасында Жоғарғы Сот­тың жаңа бас­шы­ла­ры сот жүй­есіндегі келеңсіз­дік­тер­ді жою­ға шынымен, дұрыс бағытта оң қадам жасады деген ризашылық пікір қалыптаса бастады. Және бұл шешімнің қоғам тарапынан қолдау табатыны сөзсіз еді. Алайда, 2-3 күн өтер-өтпесте сайтта берілген ақпарат жайына қалып, ұсынылған кандидаттар ешқандай қоғамдық пікірсіз, тал­қылауынсыз, баяғы үйрен­шікті қалыптасқан жолмен Жо­ға­ры Сот Кеңесіне жіберіліп, бекітілген. Ашықтық пен жариялылық туралы сайтта жалған хабар беру арқылы, сот кадрларын та­ғай­ындауда ескі қалыптасқан жүйе­ні сақтай отырып, сот жүйесі туралы қандайда бір оң пікір қа­лыптастырамыз деп ойлау, шы­нын айтқанда, халықты, қоғам­ды көпе-көрнеу алдау болып та­былады, бұл бүгінгі күні дұрыс пікірге тапшы сот билігіне абы­рой бермейтін, өнбейтін тірлік емес пе? Айтайын дегенім, егер, бола­шақта кадрларды тағайындау бая­ғы ескі қалыппен жүре беретін болса, онда сайттарда жалған мағлұмат беріп, қоғамды дүр­лік­тірудің қажеті жоқ деп ой­лаймын. Оралбай ӘБДІКӘРІМОВ, Сенат депутаты.