Германия елшісінің миссиясы аяқталды

Кеше Қазақстан Республикасы Парламенті Мәжілісінің Төрағасы Орал Мұхамеджанов Германия Федеративтік Республикасының Қазақстан Республикасындағы Төтенше және өкілетті елшісі Райнер Ойген Шлагетерді қабылдады, деп хабарлады Мәжілістің баспасөз қызметі. Айта кету керек, бұл жүздесу Германия елшісінің Қазақ­стан­дағы қызметінің аяқтауына орай өтті. Мәжіліс Төрағасы елшіге Қа­зақстан мен Германия арасын­дағы ынтымақтастық байла­ныс­тарды нығайту жолында жасаған еңбегіне алғысын жеткізді. Мәжіліс Төрағасы соңғы жыл­дары Қазақстан мен Германия арасындағы саяси-эконо­ми­калық байланыстың өрістей түс­ке­нін атап өтті. Оған жоғары дең­гейде өткен жүздесулер мен келіссөздер басты негіз болды. Өткен жылы арнайы сапармен ГФР Федералдық канцлері Ангела Меркель ханымның Қазақ­станға екі мәрте келгені белгілі. Сондай-ақ ГФР Сыртқы істер министрі, Бундестаг депутаттары да келіп, екі ел арасындағы әрі­п­тес­тік байланыстың өріс алуына ық­пал етіп, өз тәжірибелерімен бө­лісті. Әсіресе, 2009 жылы Қазақ­стан­ның Германиядағы жылы және 2010 жылы Германияның Қа­зақстандағы жылы табысты өтті. «Германия Қазақстанның ЕҚЫҰ-ға төрағалық ету жө­ніндегі ұсы­нысына қолдау білдірді. Соны­мен қатар, еліміздің Бүкіләлемдік сауда ұйымына кіруіне де ықпал етуде», деді Орал Мұхамеджанов. 2010 жылдың қорытындысы бойынша Германия Қазақстан­мен сауда-экономикалық әріптес ел­дердің ішінде алтыншы орын­ға көтерілді. Қос мем­лекеттің ын­ты­мақтастық, саяси-экономи­ка­лық байланысы арта түсуіне Қа­зақстан Президенті Нұр­сұл­тан Назарбаевтың Гер­манияға жаса­ған ресми сапары, мемлекет бас­шыларының жо­ға­ры дең­гейде өткен кездесулері негіз болды. Елші өз кезегінде жылы лебізі үшін Мәжіліс Төрағасына риза­шы­лығын білдірді. Өзі қызмет еткен 4 жыл ішінде біраз істер атқарылғанын айтты. «Қазақ­стан­ның ұлан байтақ жері бар, үлкен қалаларында, шағын елді мекендерінде болып, біраз өңір­лерді араладым. Барлық жерде де мені жылы қарсы алды. Әсерлі күндерім ретінде есімде сақта­лады. Бұдан төрт жыл бұрын Астана қаласы да қазіргідей емес еді. Аз ғана уақыттың ішінде одан сайын көркейді. Мемлекет те экономикалық өрлеу жолына түсті», деді Райнер Ойген Шлагетер. Тараптар сауда-экономикалық қатынасты жақсарту, білім мен ғылым салаларындағы байланыс­ты жақсарту қажеттігі жөнінде пікір білдірді.