Халықтық, ыңғайлы, ең үздік

Оңтүстік астананың орталығында, Абай даңғылы мен Әуезов көшесінің қиылы­сын­да Халық Банкі зейнетақы қорының жаңа филиалы ашылды. «Глобус» көп cалалы орталығының бірінші қа­батында, Халықтық Банкінің бас офисі жанында на­ғыз мерекелік жағдай орнаған: жаңа офис әуе шар­ларымен безендірілген, құрметті қонақтар құт­тық­тау сөздерін дайындаған, ал қор қызмет­кер­ле­рінің жүзіне күлкі үйірілген. Алматы филиалы жаңа қонысқа көшуді бұрыннан армандаған. Соңғы уақытқа дейін Алматыда жұмыс істейтін қалалық филиал мен бес сервис орталығы үлкен көлемде жұмыс атқарып келді. Олар Халық Банкі зейнетақы қорының 116 миллиард теңге жинағына ие қала­да­ғы 240 мың салымшыға қызмет көрсетіп келді! Осындай жұмыс көлемі бола тұра әрбір клиентке менеджерлер кез келген сервис орталығында да, қор филиалында да барынша көңіл бөліп отырды. – Барлығымыз үшін қоныстой – ескі қа­быр­ғаларды жаңасына ауыстыру ғана емес, – деді ашылу салтанатында Алматы филиалының дирек­то­ры Бауыржан Қынатбеков, – бұл біздің Қордың жаңаруы мен үйлесімді дамуының нышаны. Жұ­мыс істеген алғашқы күндерден-ақ біз салымшы­ла­рымызға әрбір облыста, әрбір өңірде, әрбір елді мекенде жайлы жағдайда қызмет көрсетілуін армандап едік. Ең жоғары халықаралық талаптарға сай офис – бұл қордың сәтті дамуындағы жаңа деңгей. Ал Желтоқсан көшесі, 96/98 мекен-жайы бой­ын­ша орналасқан филиалдың ескі офисі (Гоголь кө­ше­сінің қиылысы, Зейнетақы төлеу жөніндегі мем­ле­кет­тік орталықтың жанында) сервис орта­лы­ғына ай­налды, онда бұрынғыдай клиенттерге бар­лық қыз­мет түрі ұсынылады. Ал жаңа офис ашылу сәті­нен бастап ЖЗҚ қызметкерлерінің мақта­ны­шына айналды, себебі ол расымен жайлылықтың барлық талаптарына сай офис. Операция залында клиенттерге алты менеджер қызмет көрсететін бола­ды, олардың бірі «менеджер-навигатор» деп атала­ды, ол тез кеңес беру қызметін ұсынады, барлық қажетті құжаттардың болуын тексереді, көшір­ме­лер береді, телефон арқылы келіп түскен сұрақтар­ға жауап береді. Мұндай қарапайым да тиімді амал кезектердің болмауын қамтамасыз етеді. Барлық қызметкерлер зейнетақы төлемдерін қабылдаумен және рәсім­деу­мен айналысып жатқанда, ал бұл көп уақыт алады, тек көшірме алуға келген клиентке де көңіл бөлу керек. Көшірме беру 1 минөт қана уақыт алады. Менед­жер-навигатор егжей-тегжейлі ақпа­рат­ты ұсы­на отырып, көшірмені тез уақытта шы­ғарып береді. Енді мұндай қызмет аз уақыт алатын болады. – Біздің тәжірибеміз көрсеткеніндей, филиал арқылы күн сайын шамамен 250-300 клиент өтеді, – дейді Алматы филиалы Операция басқармасының бастығы Шынар Құрманалиева, – 30-40 төлемге шамамен 200 көшірме ұсыну операциясы келеді. Сонымен қатар, барлық қызметкерлеріміз арнайы оқы­тудан өтеді, олар зейнетақы төлемдеріне қа­тыс­ты барлық заң және қаржы мәселелері бойынша кеңес бере алады. Бұл да көп уақыт алады. Жылы жүзді, сауатты қызметкерлер құрамымен және жұмыстағы кейбір жаңашылдықпен қатар Абай даңғылындағы офистің екі артықшылығы бар. Біріншісі – офистің қала орталығында ыңғай­лы жерде орналасуы. Мұнда көліктің бірнеше түрі­мен жету мүмкіндігі бар. Және де бұл жерде ҚР-дан тыс жерге тұрақты тұруға кетуге байланысты жинақталған зейнетақы қаражатын алу туралы өтініштер, сондай-ақ мұрагерлерге төлем жүргізу туралы өтініштер қабылданатын болады. – Бұл құжаттарды мұқият тексеруді талап ететін өте тәуекелді операциялар, сондықтан алаяқтықты болдырмау мақсатында, – дейді Шынар Құрман­алие­ва, – сервис орталықтарын есептемегенде, мұн­дай төлем түрлерімен менеджерлер тек қана филиалда айналысатын болады. Неліктен қор осындай қомақты шығындар көте­ріп, қосымша орталық ашып отыр? Өйткені, қор клиенттерінің саны үнемі өсіп келеді. Халық Банкі Зейнетақы қорына сенбегенде, кімге сенесіз! Оның бүкіл тұрақты даму тарихы осы қағиданы растайды емес пе. Қазақстандағы ірі зейнетақы қоры – Халық Банкінің ЖЗҚ 1998 жылы құрылды. Қорда қаржыгер-инвесторлардың кәсіпқой командасы бар, олар өздерінің сауатты инвестициялық сая­саты­мен инвестициялық табыс бойынша жоғары нәтижелерге қол жеткізді. Инвестициялық қоржын ашық және оны қордың сайтында көруге болады: www.halykfund.kz. «Эксперт РА» рейтингтік агент­тігінің межелігі бойынша Халық Банкі Зейнетақы қорының рейтингі ең жоғарғы – А++ (ерекше жоғары – ең жоғарғы сенімділік деңгейі). Бүгінгі күні әрбір төртінші жұмыс істейтін қазақстандық, ал бұл екі миллионнан астам адам, өз болашағын қорға сеніп тапсырды. Қорға ай сай­ын келіп түсетін зейнетақы жарналарының сомасы шамамен 12 миллиард теңгені құрайды. Ал зей­нет­ақы активтері – шамамен 800 миллиард теңге. Ашылудың мерекелік жағдайына оралайық – құрметті қонақтар салтанатты түрде операция залына кіреберістегі лентаны кескен сәтте журналистермен бірге алғашқы клиенттер де ішке кірді. Бақытты жағдайлардың тоғысуына орай дәл осы филиалдың ашылу күні олар – Майра Бисенова мен Людмила Ли 58 жасқа толуын және құрметті зейнет демалысына шығуын тойлап жатыр. Олар үйлеріне тек ақшамен ғана емес, мереке құрметіне қор сыйлаған сәнді раушандар гүлшоғымен және сыйлықтармен оралды. Және де Қор сіз бен біздің болашағымыз жайлы ойлайды – бұл оның кәсібі. Сондықтан жаңа офисте тілектер кітабы үшін де орын табылды, онда әрбір клиент өз тілектерін қалдыра алады. Дарья ТИШИНА. Алматы. Суретті түсірген Владимир Заикин.