Бас хатшыны қабылдады, Парламент спикерімен кездесті

Кеше Парламент Мәжілісінің Төрағасы, Түркітілдес мемлекеттер Парламенттік Ассамблеясының Іс басындағы Төрағасы Орал Мұхамеджанов аталған Ұйымның Бас хатшысы Рамил Ғасановты қабылдады, деп хабарлады Мәжілістің баспасөз қызметі. Бас хатшы кездесуде биылғы жылғы 12 маусымда Түр­киядағы парламенттік сайлаудың дайын­дығы мен өту барысы жө­ніндегі ТүркПА байқаушы­лары­ның есебін табыс етті. Сондай-ақ Орал Мұхамеджанов ТүркПА хат­шы­лығының қызметімен де та­нысты. Кездесуде ТүркПА Төрағасы Бас хатшыға аталған Ұйымның, ТүркПА-ның Астанада өткен екінші отырысында шығарылған шешімге сәйкес құрылған тұ­рақ­ты комиссия қызметінің жұмыс жос­пары жобасын әзірлеуді тапсырды. Сонымен қатар, ТүркПА Хатшылығының құрылымы туралы жобаны табыс етуді өтінді. Бүгінгі таңда Түркітілдес мемлекеттер Парламенттік Ассамблеясы Ислам Кон­фе­ренциясы Ұйымының (ИКҰ) Парламенттік одағында және өз кезегінде ИКҰ ТүркПА-да бақылаушы мәртебесіне ие болды. ТүркПА өкілдері шілде айының басында Белград қаласында өтетін ЕҚЫҰ ПА сессиясына ша­қы­рылып отыр. Басқа да ха­лықаралық парламенттік ұй­ым­дармен өз­ара ынтымақ­тас­тық байла­ныстар орнатылуда. ТүркПА Бас хатшысы Астанаға ҚР Сыртқы істер министрінің шақыруы бой­ын­ша, ИКҰ-ға мүше елдер Сыртқы істер министр­лері­нің 38-ші сессиясының жұ­мы­сына қатысу үшін келген болатын. *  *  * Парламент Мәжілісінің Төрағасы, Еуразиялық эко­­номикалық қоғам­дас­тық (ЕурАзЭҚ) Парламент­ара­лық Ассамблеясының Төр­ағасы Орал Мұхамеджанов кеше, сондай-ақ Қырғыз Республикасы Жогорку Ке­нешінің Төрағасы Ахматбек Келдібековті де қа­былдады. Кездесу барысында ЕурАзЭҚ мүшелері болып та­былатын Қазақстан мен Қыр­ғыз­стан­ның өзара келісілген құқық­тық саясатын қалыптастыру жөніндегі, сон­дай-ақ ЕурАзЭҚ-тың мақсаты мен міндеттерін жүзеге асыруды қамтамасыз етудегі екі мемлекеттің ұлт­тық пар­ламентінің заң шы­ғарушы­лық қызметін үйлес­тіру ту­ра­лы өзекті мәселелер тал­қыланды. Тараптар екі ел арасын­дағы байланыстың бүгінгі жай-күйі мен келешегі, бас­қа да парламентаралық ұй­ымдармен қарым-қатынас ту­ралы ойлар ортаға са­лынды. «Егемен-ақпарат».