Ассамблея төрағасын қабылдады

Кеше Парламент Мәжілісінің Төрағасы Орал Мұхамеджанов Еуропа Кеңесі Парламенттік Ассамблеясының (ЕКПА) төрағасы Мевлют Чавушоғлыны қабылдады, деп хабарлады Мәжілістің баспасөз қызметі. Мәжіліс Төрағасы мейманға Ислам Конференциясы Ұйымы Сыртқы істер министрлері кеңе­сі­нің 38-ші сессиясына қатысуға келгені үшін және ЕКПА жұ­мы­сында біздің елімізге қолдау жасағаны үшін алғысын білдірді. ЕКПА делегациясы үс­ті­міз­де­гі жылы 3 сәуірде өткен пре­зи­денттік сайлауға байқаушы ретінде белсенді қатысты. Және де сай­лауға әділ әрі жоғары баға берді. Жалпы, сәуірдегі сайлауға 1050 тәуелсіз байқаушы қатысты. Барлығы да сайлауды ұлттық заңдарымызға және халықаралық стандарттарға сәйкес өткенін мәлімдеді. «Қазақстанның Тұң­ғыш Президенті – Елбасы Нұр­сұл­тан Назарбаевтың сайлаушы­лар­дың 95,55 пайыз дауысын жи­науы Тұңғыш Президенттің ішкі және сыртқы саясаттағы жүргізіп отырған бағытының бүкіл ха­лық­тың қолдауына ие екендігін көр­сетеді»,  деді О.Мұхамеджанов. Мәжіліс Төрағасы 2011 жылы сәуір айының соңында Астанада Түркі тілдес елдер Парламенттік Ассамблеясының (Түрк ПА) екінші отырысы өткенін, сол басқосу барысында Түрк ПА-ның төраға­лық міндеті Әзербайжан Рес­пуб­ликасынан Қазақстан Республи­касына табыс етілгенін айтты. Маусым айында Астана бір­қа­тар халықаралық шаралардың ор­та­лығына айналды. Соның ішін­де VII Бүкіләлемдік Ислам эконо­ми­калық форумы болып өтті. Оған екі мыңдай өкіл қатысты. Сол басқосуда Қазақстан Президенті Н.Назарбаев бірқатар өміршең ұсыныстарды жария етті. Атап айтқанда, Елбасы Ислам Конференциясы Ұйымына мүше елдердің қатысуымен халықара­лық инновациялық қор құруды ұсынды. Ислам Даму банкі жа­ны­нан шағын және орта кәсіп­кер­лік қорын құру қажеттігін айтқан болатын. Мәжіліс Төрағасы бұл ұсыныстар алдағы уақытта ИКҰ-ға мүше елдер тарапынан қол­дау­ға ие болатынына сенім білдірді. Сондай-ақ Астанада Шанхай ынтымақтастық ұйымының ме­рей­тойлық отырысы болып өтті. Мевлют Чавушоғлы өз кезегінде Қазақстан соңғы жылдары халықаралық дәрежеде зор беделге ие болғанын айтты. «Атап айт­қанда, өткен жылы ЕҚЫҰ-ға төр­ағалық міндетін абыройлы ат­қар­ды. Енді қазір Ислам Конфе­рен­циясы Ұйымына да сәтті жетекшілік етуде. Енді Астанада атал­ған ұйымның жаңа атауы пайда болды. ИКҰ-ның жаңа бағыттары пайда болмақ. Бұл Ислам Конферен­циясы Ұйымы үшін ерекше тарихи сәт», деді Мевлют Чавушоғлы. Мейман президенттік сайл­ау­дың сәтті өткенімен құттықтады. Қазақстанға ізгі тілегін жеткізді.