Жаңа...

...3 нысан іске қосылды Үдемелі индустриялық-ин­новациялық даму бағдарламасы бойынша биыл өндірісті өңірде жаңадан ашылатын нысандар аз емес. Бүгінде солардың алды қатарға қосылып та жатыр. Со­ның ішінде үшеуі жұмысқа кірісіп кетті. Бұлар пластикалық шөлмектер, жылуды сақтайтын арнайы құрылыс материал­да­рын және жолға төселетін қи­ыр­шық тас дайындайтын зауыт­тар. Жылына 23 миллион шөл­мек шығаратын кәсіпорын бұл бұйымға сұранысты қанағат­тан­дыра алса, қалған екеуінің де өнімдері өтімді болғалы тұр. Айқын НЕСІПБАЙ, Қарағанды. ...жеке балабақша ашылды Облыс орталығында «Балапан» бағдарламасының аясында ашыл­ған жеке меншіктегі бала­бақша «Кен және Барби» деп аталады. Екі қабатты балабақшаның бүлдіршіндер демалатын, жуы­на­тын және ас ішетін бөлмелері барлық санитарлық талаптарға сай жарақтандырылған. Жеке меншіктегі мектепке дейінгі балалар мекемесі 80 баланы қа­былдайды. Балабақша ғимара­ты­ның құрылысына 90 миллион теңге қаржы жұмсалған. Сон­дай-ақ, балабақшада жоғары санатты педиатр дәрігерлер мен психолог мамандар жұмыс істейді. Бұл қаладағы алтыншы жеке балабақша. Ал биыл Жа­ңақоныс және Оңтүстік батыс аудандарында 150 орындық ба­ла­бақшаның құрылысы баста­ла­ды. Қалалық білім бөлімі бас­тығы­ның міндетін атқарушы Ләззат Оразбаеваның айтуын­ша, қазіргі таңда қалада 15 мың бүлдіршін балабақша кезегінде тұр. Сатыбалды СӘУІРБАЙ,  Ақтөбе облысы. ...баєдарлама – банк салымшыларына «Қазақстанның Тұрғын үй-құрылыс жинақ банкі» АҚ Ба­тыс Қазақстан облыстық фи­ли­алы жаңа бағдарламаны іске асы­руға кірісті. Соған сәйкес биыл Орал қаласындағы Астана шағын ауданында бес қабатты 90 пәтерлік алғашқы үй пай­да­лануға берілмек. Бұл үй аталған банктің бұған дейінгі салым­шы­ларына арналған. Олар оны бес пайыздық жеңілдікпен алу­ла­рына мүмкіндіктері бар. Ал қаражат жинауды жа­ңадан бастағандар жаңадан бас­тағандармен болашақ салым­шы­лар үшін он-он екі пайыз­дық көлем белгіленген. Егер олар кейінгі салынатын үйлерге құжат тапсырса жоғарыда ай­тыл­ған 5 пайыздық жеңілдік сақ­талмақ. Аталған жаңа банк бағдарламасы бойынша тамыз айында облыс орталығында тағы да 90 пәтерлік үш үйдің құрылысы басталмақ. Газет тілшісіне филиал директоры Қуа­ныш­бек Хамзин осылай деп мәлімдеді. Темір ҚҰСАЙЫН, Орал. Журналистер арасындағы байқау Өңір басшысы Серік Біләлов  Ел Тәуелсіздігінің 20 жылдығы­на арнап  бұқаралық ақпарат құ­ралдары өкілдері ара­сында бәй­ге жариялады. Ол «Солтүс­тік Қазақстан облы­сы Тәуелсіздік жылдарын­да» деп аталады. Жеңімпаз­дар «Мерзімдік ба­сы­лым­дар­дағы  үздік мақа­ла»,  «Үз­дік веб-сайт», «Теле­ди­дардағы үздік сюжет, бағ­дарлама», «Режиссер, бейнеоператор, монтажшының үз­дік жұмысы» номи­на­ция­ла­ры бо­йынша марапат­та­ла­ды.  Әр сыйақының мөлшері 250 мың теңге болып белгіленді. Конкурс қорытындысы жыл аяғында шығарылады. Өмір ЕСҚАЛИ, Солтүстік Қазақстан облысы.