01 Шілде, 2011

Астананың азық-түлік белдеуі

244 рет көрсетілді
Ауыл шаруашылығы министрлігінде министр Асылжан  Мамытбековтің төр­аға­лығымен Астана қаласы маңындағы азық-түлік белдеуін дамыту мәселелеріне арналған жиналыс өтті. Оған Ақмола, Қарағанды облыстары мен Астана қаласы әкімдерінің орынбасарлары, «ҚазАгро» ҰБХ» АҚ еншілес ұйымдары мен әлеу­мет­тік-кәсіпкерлік корпорациялардың бас­шылары, сонымен қатар Астана қаласының ірі сауда жүйелерінің, қайта өңдеу кәсіпорындарының, ауыл шаруа­шы­лығы құрылымдарының басшылары қатысты. Жиналыс азық-түлік белдеуі аума­ғын­да өндірілетін және Астана қаласының сауда нүктелеріне жеткізілетін азық-түлік тауарларының көрмесімен басталды. Көр­меде қатысушылар назарына Ақмола, Қа­ра­ғанды облыстары мен Астана қала­сы­нан келген 13 кәсіпорынның 80-нен астам азық-түлік тауарларының түрлері ұсы­нылды. Азық-түлік белдеуіне кіретін кәсіп­орын­дардың басшылары жиналысқа қа­ты­сушыларды өндірілетін өнімдердің түр­лерімен және тауардың жоғары сапа­лы­лығы жөніндегі, сонымен қатар қазіргі ахуалы мен даму келешегі толық ақпа­рат­пен қамтамасыз етті. Жиналыста елорда маңындағы азық-түлік белдеуін дамыту жөніндегі алдыңғы кезектегі мәселелер талқыланды. Атап айтқанда, «Үдемелi индустриялық-инно­ва­циялық даму жөнiндегi 2010-2014 жылдарға арналған мемлекеттiк бағдар­ламаны» жүзеге асырудағы оң тәжірибеге негізделген тиімді әдістеме ұсынылды. Ол үшін әкімдіктерге азық-түлік белдеуін құруға қатысатын кәсіпорындардың то­лық тізімін анықтау, одан әрі олардың әрқайсысының дамуына кедергі болатын жайттарды анықтау мақсатында талдау жүргізіп, олардың әрқайсысы бойынша жауапты орындаушыны бекітіп, қажетті қаржы сомасы, орындалу мерзімі көрсе­тіл­ген іс-әрекет жоспарын жасау тапсырылды. Сонымен қатар, келісім-шартқа отыру, оның ішінде Ақмола мен Қарағанды облыстары өндірушілерінің нақты азық-түлік көлемін елордаға жеткізуге «Астана» әлеуметтік-кәсіпкерлік корпорация­сы­ның мүмкіндіктерін қолдану  мәселе­лері қарастырылды. Басқосу қорытындысы бойынша әкімдіктер мен «ҚазАгро» ҰБХ» АҚ еншілес ұйымдары басшыларына астана маңындағы азық-түлік белдеуін одан әрі дамыту жөнінде тапсырмалар берілді. Әйгерім КЕНЖЕБЕКОВА, АҚШ Дакота университетінің магистранты.
Соңғы жаңалықтар

Әбілхан кәсіпқой боксқа ауысты ма?

Кәсіпқой бокс • Бүгін, 12:39

7361 турист елге оралды

Қоғам • Бүгін, 12:20

Резервте қанша дәрігер бар?

Коронавирус • Бүгін, 12:16

Елде шектеу шаралары күшейтілді

Коронавирус • Бүгін, 11:45

Қанат Ислам рейтингте төмендеді

Кәсіпқой бокс • Бүгін, 10:30

Ұқсас жаңалықтар