Қор құнды еңбектермен толықты

Кеше еліміздің Сыртқы істер министрлігі елор­да­да­ғы Ұлттық академиялық кітапхана қорына көптеген шетел тілдерінде жарық көрген Қазақстан Президенті Нұр­сұлтан Назарбаевтың және Елбасы туралы түрлі кітаптар жинағын тарту етті. Салтанатты рәсімге ғы­лы­ми қауымдастық, дипломатиялық корпус және бұқа­ра­лық ақпарат құралдары өкілдері қатысты. Ұлттық академиялық кітапхана қорына табыс етілген кітаптар арасында әр жылдары Президент қаламының ұшынан шыққан «Қазақстандық жол», «Сындарлы 10 жыл», «Бейбітшілік кіндігі» және Джонатан Айткеннің «Нұрсұлтан Назарбаев және Қазақстанның қа­рыш­ты қадамы», Пьер-Люк Се­гийоның «Еуразия тұғыры» сын­ды кітаптар бар. Жиын кезінде сөз алған Сыртқы істер министрлігінің жауапты хатшысы Рәпіл Жо­шы­баев: «Бұл кітаптар түрлі ел­дердің қоғамдық-саяси, ғылы­ми-зерттеу топтары тарапынан шынайы қызығушылыққа бөле­ну­де. Бұл ретте Елбасының тәуел­сіз Қазақстан жетістіктері­нің сырын ашқан «Қазақстан­дық жол» кітабын атап өткім келеді», дей келе, аталған кі­тап­тың 30-дан аса тілдерге, солар­дың ішінде ағылшын, француз, испан, араб, қытай, жапон тілдеріне аударылуы жайдан-жай емес деген ойын жеткізді. Бұл ретте «Қазақстандық жолдың» түрлі шетел тіліндегі нұсқаларының алғысөздерін Мар­гарет Тэтчер, Франц Враницки, Федерико Майор сынды әлемдік дәрежеде мойындалған тұлғалардың жазғанын атап өткеніміз жөн. «Бұл кітаптар топтамасын Астананың Ұлттық академия­лық кітапханасына табыстай келе, олардың болашақта көптің сұранысына ие болып, Қазақ­стан мен оның Көшбасшы­сы­ның ауқымды жетістіктерін жетік меңгеруге өз ықпалын тигізеді деп сенеміз», деді Р.Жо­шы­баев өзінің сөзінде. Салтанатты рәсім кезінде, сондай-ақ, Ұлттық академия­лық кітапхананың бас ди­рек­торы Жанна Шаймұхан­бе­това және Астанадағы поли­тех­ни­калық колледждің ағылшын тілі пәнінің оқытушысы Жа­наргүл Дүйсебаева да сөз алып, кітапхана қорына табысталған кі­таптардың маңыздылығы ту­ра­­сында өз ой-пайымдарын жеткізді. Ләйла ЕДІЛҚЫЗЫ.