02 Шілде, 2011

Он үш сатыға алға

297 рет көрсетілді
ФИФА маусым айындағы рейтингісін жариялады. Бұл тізімде Қазақстан ұлттық құра­масы 13 сатыға көтерілді. Мамыр айында еліміздің бас командасы 139 орында болатын. Ал 3 маусымда Еуропа чемпиона­ты­ның іріктеу кездесуінде Әзер­бай­жан құ­ра­масын өз алаңында 2:1 есебімен жеңген соң, Мирослав Бе­ранектің ко­мандасы 13 са­тыға кө­теріліп, 126 орынға ор­на­ласты. Бір ойын арқы­лы бірден 13 сатыға кө­терілу Қазақ­стан үшін жаман емес. Енді қыр­күйекте Түр­киямен кездесеміз. Одан кейін Австрияны қа­был­дай­мыз. Әзірше біздің құрама А то­бын­да ең соңғы орында тұр. Біздің топтағы Германия ФИФА рейтингісінде 3-ші, Түркия 23-ші, Бельгия 35-ші, Австрия 65-ші, Әзер­байжан 112-ші орында. Ал Халықаралық футбол қауым­дастығының  тізімінде ал­ғаш­қы он­дық­та мына елдердің құрамалары ор­наласқан. 1. Испания, 2. Голландия, 3. Германия, 4. Англия, 5. Брази­лия, 6. Италия, 7. Португалия, 8. Хорватия, 9. Мексика, 10. Аргентина. Олардан кейін Азия елдері ішінде ең мықты саналатын Жапония командасы 13 орынға шық­са, 1998 жылғы әлем және 2000 жылғы Еуропа чемпионы Франция 15-ші орынға орналасқан. Осы айда Беларусь құрамасы 40-шы орынға көтеріліп, 42-ші сатыдағы Украина командасынан озып кетті. Зимбабве маусым айының ең үздік құрамасы болып шықты. Африка елі осы айда бірден 39 сатыға көтерілсе, Лихтенштейн 33, Либерия 32, Комор аралдары 24, жақын­да ғана КОНКАКАФ кубогын иеленген Мексика 19, Ямайка мен Замбия 17, Панама 15 сатыға жағ­дайын жақсартып алды. Ал маусым айының ең әлсіз командасы 37 сатыға төмен түсіп қалған Жаңа Зеландия болды. Дастан КЕНЖАЛИН.
Соңғы жаңалықтар

Ұқсас жаңалықтар