Достық стансасында

Достық стансасының негізгі міндеті – Қытай Халық Респуб­ликасы, соның ішінде Үрімші темір жолымен экспорт-импорт­тық тауар алмасуды іске асыру. Бүгінгі нарық заманында клиенттерге қызмет көрсетумен қатар, тапсырылған тауарды жүк қо­жайы­нына дер кезінде аттанды­рып, сенімінен шығу болып та­былады. Достық-Алашаңқай ар­на­сымен тауарлар ТМД және Балтық жағалауы елдері мен алыс-жақын шет елдерге жө­нелтілуде. Осы орайда Достық станса­сының басшылығы мен жұмыс аппараты заман талабына сай озық идеялар мен технология­ларды пайдалана отырып қызмет атқаруда. 2008 жылы вагон құжаттарын бір орында ресімдейтін зал құрылымдалып, вагондар мен контейнерлердің аттан­ды­рылуы едәуір тездетілді. Станса жыл санап ұлғайған сайын жұмыс қарқыны да артып, осындай аталмыш ортақ зал «Д» паркінде орналасқан кіші тапсы­ру кеңсесінде де пайдалануға берілді. Ол ҚХР-ға аттанатын және келетін вагондар құжаты дер кезінде ресімделуге себепші болып отыр. Көрші елдің әріптестерімен станса басшылығы жиі басқосу­лар өткізіп тұрады. Ол басқо­су­ларда вагондардың Үрімші те­мір жолынан баяу келуін, пойыздар мен локомотивтерді Алашаңқай стансасында ұзақ ұстауы, тағы сол сияқты мәселелерді шешу жолдары талқыланады. ҚХР-дың темір жол жүйесі мен ва­гондардың құжаттары біздікіне қарағанда мүлде басқаша ресімделеді екен. Алашаңқай станса­сына Қытайдың бүкіл про­винцияларынан келетін вагондар ТЖ құжатымен ғана Алашаң­қайға жетіп, осы жерде экспе­диторлар мен брокерлер құ­жат­тарды ресімдеуге кіріседі екен. Маусым айында Достық пен Алашаңқай стансаларында «Қа­зақстан темір жолы» Ұлттық компаниясы» АҚ жүк жұмыста­рын үйлестіру басқармасының бастығы Б.Сүлейменов бастаған делегация Үрімші темір жолы басшылығымен жұмыстық кездесу өткізді. Қытай жағынан Үрімші темір жолы халықаралық қызметінен Бай Юн Фэн мырза қатысты. Осындай үйлестіру кездесулері нәтижесінде Достық стан­сасында вагондар экспорт-им­порттық бағыттарға дер кезінде аттандырылып, тауарлар дер кезінде клиенттердің қоймасына жетуде. Стансада вагондар аз уақытта сұрыпталып, вагон құжаттары қысқа мерзімде ресімделуде. Станса басшылығы мен еңбеккерлері бүгінгі бәсе­келестік белең алып тұрған заманда жұмыстарын мейлінше жақсартып, клиенттерге қалт­қысыз қызмет етуге ұмтылыс танытуда. Әйгерім КЕНЖЕБЕКОВА, АҚШ-тағы Дакота университетінің магистранты.