Пәтер берілді

Елорданың туған күніне орай Қызылорда қаласында орналас­қан «Астана» шағын ауданын­дағы №1 ипотекалық тұрғын үй пайдала­ну­ға берілді. Мемлекеттік тұрғын үй бағдарламасы аясында салынған 50 пәтерлік тұрғын үйдің құры­лы­сын «Интегстрой» ЖШС жүргізген. – Осыдан екі ай бұрын, 9 мамыр күні біз Ұлы Отан соғысының ардагерлеріне пәтер кілтін табыс еттік. Міне, енді Астана күні мерекесіне орай тағы бір ипотекалық үйді тап­сырғалы отырмыз. Алдағы уақытта біз бұл ауданға үш қабатты ипо­те­ка­лық тұрғын үйлер салып, оның ай­наласын көркейтуді жоспарлап отыр­мыз. Осылайша Елбасының тапсыр­ма­сы бойынша бүкіл елімізде 2005 жылы басталған мемлекеттік тұрғын үй құрылысы бағдарламасы қазақ жұртының алғашқы астанасы – Сыр өңірінде де қарқынды жүруде, – деді облыс басшысы салтанатты шарада. Ипотекалық пәтерлер бюджет са­ласы мен мемлекеттік қызмет­кер­лер­ге және жас отбасыларға беріліп отыр. Сөйтіп, Астананың мүшел то­йы­на орай Ақмешітте жаңа баспана­ға ие болған­дардың саны 50 адамға артты. Ержан БАЙТІЛЕС, Қызылорда.