Оқулық оңбай, балаға білім қонбайды

Білім және ғылым министрі Б.Жұмағұловтың төрағалығымен «Учеб­ник» республикалық ғылы­ми-тәжірибелік орталықтың қыз­ме­тін жетілдіру мәселесі жөнінде кеңес өтті. Орталықтың қызметін талдау нәтижесі көрсеткендей, оқу­­лықтар мен оқу-әдiстемелiк ке­шендерді әзірлеу және шығару, отандық жүйені қатаң жетілдіру талабы күн тәртібіне қойылып отыр десек, бүгінде ең басты шешілмеген мәселе оқулықтарды сараптау сапасы болып тұр. Иә, көптеген оқулықтар са­па­сы ата-аналар мен жұртшылық­тың қана емес, соны­мен бірге пе­дагогтардың да ренішін тудырып отыр. Соған орай өткен жылдың қараша айында сараптау процед­у­расын жетілдіру мақ­сатында шаралар кешені қа­былданған болса, енді міне, тәу­елсіз сараптау жүйе­сі еңгізіліп отырғанын да айта кетсек дейміз. Тағы бір маңызды мәселе – ол жылдан жылға оқулық автор­ла­ры­ның өзгермеуі. Үстіміздегі жыл­­дың мамыр айында математика мұ­ғалімдерінің І съезінде министр жаңа формациядағы авторлар мен сарапшыларды даярлау және оқу­лықтар мен оқу-әдіс­темелердің сапасына эксперттік қорытынды берген авторлар то­лық жауап беретін ұстанымды қамтамасыз ету қажеттілігін айт­қан болатын. Бү­гінгі жиын осы шешімнің дұ­рыс­тығын байқатты. Қазақстанда экс­перттерді және оқу­лықтардың ав­торлары мен шы­ғарушылар мекте­бін құру уа­қыты келді. Осы орайда, алдағы айдың басында Астана, Алматы, Атырау, Тараз қалала­рын­да оқу­лықтар са­па­сының мә­се­ле­лері бой­ынша аймақтық жи­ындар өткізілетін болса, бұл мә­селе 25 тамызда Астанада өтетін рес­пу­б­ликалық педагогтар фору­мын­да талқылана­тын негізгі та­қырып бол­мақ деп, хабарлады ҚР БҒМ бас­­пасөз қызметі.