Кәсіпкерлікке қолдау

Бас прокуратураның Құқықтық статистика және арнайы есепке алу жө­нін­дегі комитеті кәсіпкерлерді заңсыз тексерулерден сақтандыру мақса­тын­да бір­қатар іс-шаралар жүргізуде. Солар­дың бірі комитеттің «Бизнес тірегі» жо­ба­сы (www.pravstat.kz) бо­лып табылады. Мемлекеттік бақылау және қадаға­лау органдарында қолданылып жүр­ген заңнамаға сәйкес, құқықтық актілерді міндетті түрде тексеруден өткі­зуді жүзеге асырады. «Бизнес тірегі» жобасында тексеру өндірісі тексеруді тағайындау және тіркеу, тікелей тексеру жүргізу болып 2 кезеңге бөлінеді. Тексеруді тағайындау және тіркеу кезінде комитет өз өкілеттігі шегінде, заң бұзушылықтар анықталған жағ­дай­да тексеру актісін тіркеуден бас тартады. Қазіргі таңда тексеруді тіркеуден бас тартудың 15 негізі бар. «Бизнес тірегінің» 2-ші кезең бой­ынша – Тікелей тексеру жүргізу кезінде жоғарыда көрсетілген сайттың «Кәсіпкерлерге тексеру жүргізуді тіркеу туралы ақпарат» бөлімінде мемлекеттік қызметкердің тексеруді тіркеу актісінің нөмірін енгізу арқылы, тексеру актісінің комитетте тіркелген, тіркелмегендігін, тексеру жүргізу уа­қытын, сонымен қатар кәсіпкер өзінің және тексеруші жақтың құқықтары мен міндеттерімен таныса алады. Дәл осындай ақпаратты кәсіпкер ұялы сымтетігінен «1012» нөміріне хабарлама жіберу арқылы тез арада ала алады. Сонымен қатар кәсіпкерге тексеру барысындағы заң бұзушы­лық­тар туралы ақпаратты жіберу мүм­кіндігі де берілген. Хабарлама жіберу үшін, өзі туралы деректерді және жіберілген кемшіліктер мен заң бұзу­шы­лықтар туралы жазып жіберуі қажет. Бақылау және қадағалау қызмет­те­рін жүзеге асыруға уәкілетті мемлекеттік орган жеке кәсіпкерлік субъек­тісін тексеру жүргізудің мерзімдері мен нысанын көрсете отырып, тексеру басталғанға дейін кемінде отыз күн бұрын жоспарлы тексеру жүргі­зудің басталатыны туралы жазбаша түрде хабардар етуге міндетті. Жоспардан тыс тексеру жүргізу кезінде мемлекеттік орган жеке кәсіпкерлік субъектісін тексеру жүргізу ныса­на­сын көрсете отырып, тексеру бас­тал­ғанға дейін кемінде бір тәулік бұрын жоспардан тыс тексеру жүргізудің бас­талатыны тура­лы хабарлауға міндетті. Бекбол АМАНГЕЛДІ, Бас прокуратураның Құқықтық  статистика және арнайы есепке алу жөніндегі комитетінің аймақтық көліктік басқармасы құқықтық статистика бөлімінің аға прокуроры.