Оның айтуынша, каратэшілер Петропавл қаласындағы дәмханалардың бірінде кешкі ас ішкеннен кейін өздерін өте жайсыз сезінген. Алғашқыда 9-17 жас аралығындағы 11 спортшы өткір ішек инфекциясын жұқтырды деген күдікпен дереу №3 ауруханаға жатқызылған. Эпидемияға қарсы шаралар жедел ұйымдастырылып, азық-түліктен сынама алынған. Дәмхана қызметкерлері тексеруден өтті. Кейін ауруханаға жеткізілген науқастардың саны 25-ке жетті.
«Балалар бірнеше күн тиісті ем-дом алған соң түгелдей үйлеріне қайтарылды», деді аурухананың бас дәрігері Ержан Әбуғалиев.
Талдаудың нақты нәтижелері таяу күндері белгілі болады.
Өмір Есқали
Солтүстік Қазақстан облысы.
