Ресми сапармен келеді

Қытайдың Қазақстандағы Төтенше және өкілетті елшісі Чжоу Ли Парламент Мәжілісі үйіне келді. Ол Парламент Мәжілісі Аппаратының басшысы Ерген Дошаевпен кездесіп, бірқатар мәселелер жөнінде пікір алмасты, деп хабарлады осы палатаның баспасөз қызметі. Кездесудің арқауы – парла­мент­аралық байланысты нығай­ту. Ерген Дошаев көрші мемлекетпен арадағы достық қарым-қатынас жыл сайын дамып келе жатқанын тілге тиек етті. Екі ел арасындағы жоғары деңгейдегі пікір алмасу ынтымақтастық бай­ланыстың қарқын алуына жол ашып отыр. Соған сәйкес парламент­ара­лық байланыс пен партияаралық тәжірибе алмасу ісі дамып келеді. Мәселен, 2010 жылы қараша айында Қазақстан Парламенті Мәжілісінің Төрағасы Орал Мұ­ха­меджановтың шақыруымен Қы­тай Халықтық саяси консультативтік кеңесі Бүкілқытайлық комитетінің төрағасы Цзя Цинлинь ресми сапармен Қазақ­станға келген болатын. Бұл жолғы кездесуде үсті­міз­дегі жылы қыркүйек айында Қы­тайдың Халық өкілдерінің бүкілқытайлық жиналысы Тұ­рақ­ты комитетінің төрағасы У Банго Қазақстанға алғашқы ресми сапармен келетіні сөз болды. Сапар бағдарламасында оның Қа­зақстан Парламенті Мәжілісінің Төрағасы Орал Мұхамеджа­нов­пен кездесетіні көзделуде.