Форумға қатысушыларға құттықтау жолдады

Қазақстан Республикасының Президенті Нұрсұлтан Назар­баев «Алтай – Түркі әлемінің алтын бесігі» тұңғыш халықаралық форумына қатысушыларға құттықтау жол­дады, деп хабарлады Қазақстан Республикасы Президенті­нің баспасөз қызметі. Онда былай делінген: «Алтай – Түркі әлемінің алтын бесігі» тұңғыш халықаралық фо­ру­мына қатысушыларға сәлем жолдаймын. Алтай ежелден «өркениет бесігі» – Еуразия құр­лығындағы көптеген түркі халықтарының атамекені сана­ла­ды. Өзінің табиғатынан ға­жайып өлке Еуразияның гео­гра­фиялық және саяси орта­лы­ғы болып табылады». Қазақстан басшысы өзінің құттықтауында сондай-ақ көне түркі жазбасы дәл осы жерде пайда болғанын, біздің ата-ба­баларымыздың тарихы туралы айтатын көптеген ескерткіш­тер­дің де осы жерде жасал­ға­нын атап көрсетеді. «Ұлы көші-қон» уақытында Таулы Алтай аумағы көне мәдени дәстүрлерді сақтаушылардың трансмиграциясы өткен «дәліз» болды», дейді өз құттық­тауында Президент. Алтайды қайта жаң­ғыр­ту­дың қазіргі кезеңі көптеген мем­ле­кеттер мен халықтардың мүд­де­сіне жауап береді. Өйт­кені, бұл үдеріс бүкіл Еуразия құрлы­ғын­да мәдени және гу­ма­нитарлық ынтымақтастықты одан әрі тереңдету үшін іс-қимыл тұғырнамасы қызметін атқарады. Мемлекет басшысы құт­тық­тауының соңында форумға қа­ты­сушылар Шығыс пен Батыс халықтарын бірлікке үндейтін ға­жайып өңірдің қайта жаң­ғы­руы жолында одан арғы қа­дам­дарын айқындайтынына сенім білдіреді және жемісті жұмыс тілейді.