Екіжақты меморандумға қол қойылды

Корея Республикасының Президенті Ли Мён Бактың Отанымызға ресми сапары аясында Қазақстан Республикасының Денсаулық сақтау министрлігінде министр Салидат Қайырбекова мен Корея Республикасының Денсаулық сақтау министрі Чин Су Хи арасында меморандумға қол қойылды. Сонымен қатар, Ұлттық ғы­лы­ми медициналық орталық пен Сеул университетінің, Ұлттық медициналық холдинг пен Сеул университетінің ауруханалары, С.Асфендияров атындағы Қазақ ұлттық медициналық университеті мен Корея медицина мекте­бі­нің католик университеті, Әл-Фараби атындағы Қазақ ұлттық университеті мен «Коре» универ­си­тетінің медициналық орталы­ғы, «Химфарм» АҚ және «JW PHARMACEUTICAL CORPORA­TI­ON» корпорациясы, «Седжон Еуразия» халықаралық медици­на­лық клиникасы» және «Hye­won Medical Foundation «Sejong General Hospital» компаниясы арасында ынтымақтастық және өз­ара түсіністік жөнінде меморандум жасалды. Екіжақты кездесулерде ауқым­ды мәселелер бойынша байла­ныс­тарды дамытуға қатысты пікір алмасулар болды. Тараптар диагностика және ауруларды емдеуде жоғары технологияларды пайдалану, Қазақ елі азаматтарын Корея ауруханаларына диагностикадан өтуге және емдеуге жіберу, медицина мамандарының бі­ліктілігін арттыру, оқу курс­та­рын өткізуге жетекші корей ма­мандарын тарту, ағза алмастыру, жасуша және ағза иммуно­ло­гия­сы саласында ғылыми зерттеулер жүргізу сияқты мәселелер бой­ын­ша пікір алмасты. Сүлеймен МӘМЕТ.