Жастарды жігерлендірді

Салтанатты шара мем­ле­кет­­тік рәміздер туралы бей­не­ро­лик көрсетумен бас­тал­ды. Қазақстанның ғас­ыр­лар бойы аңсап күткен Тәу­ел­сіз­дігін алғандығын паш ете­тін киелі қазынасы Қазақ­с­­тан Республикасының Мем­ле­­кет­тік  рәміздері салтанатты түрде сах­наға шығарылды. Мем­­ле­кеттік гимн орындалған соң, Елтаңбаның  авторы Мем­ле­кет­тік рәміздердің 25 жыл­ды­­ғына байланыс­ты Ал­ма­ты об­лысының жұрт­шы­л­ы­ғын құт­тықтап, жастарға ар­наған игі тілектерін білдірді.

Мемлекеттік рәміздер туралы жастардың орындауында жүрекжарды өлеңдер оқылды, патриоттық әндер орындалды. Осы шарадан бастап Мем­ле­кет­тік рәміздердің 25 жыл­ды­ғына арналған онкүндік  об­лыстағы аудан, қалаларды қамтып,  55 патриоттық салтанатты ірі шаралар өткізілетінін атап өткен дұрыс. Сондай-ақ, облыстық жастар саясаты мә­се­лелері басқармасының ұй­ым­дастыруымен Мем­ле­кеттік рәміздердің 25 жылдығына  арналған «Туған жерге туыңды тік» атты  жастар марафоны да өтуде.

Мемлекеттік елтаңбаның ав­торы Жандарбек Мәлібекұлы джиу-джитсудан жастар арасында Қазақстан чемпионы, ережесіз жекпе-жектен Азия че­мпионы, WAFC тұжырымы бой­ынша панкратионнан Еура­зия чемпионы Бейбіт Назаровқа Мемлекеттік туды табыс етті. 25 мың шақырымға созылатын марафон аудан, қалаларды қамтып, мемлекеттік рәміздер күнінде аяқталады. 

Нұрбол ӘЛДІБАЕВ,
«Егемен Қазақстан»

Алматы облысы