• 11 Желтоқсан, 2016

Қырғызстанда конституцияға өзгерістер енгізу жөніндегі референдум аяқталды

303 рет

көрсетілді

1 мин

оқу үшін

Egemen Qazaqstan

Қырғызстанның барлық аймағында жергілікті кенештер сайлауы мен референдумда дауыс беру шаралары аяқталды, деп хабарлады kyrtag.kg. Алдын ала мәліметтер бойынша сайлаушылардың 80%-ы Конституцияға өзгерістер енгізу үшін дауыс берген. «Соңғы ақпар бойынша, 42,07%, яғни 1 млн 199 мың 941 адам дауыс берді. Ал сайлаушылардың 80%-ы конституцияға өзгерістер енгізуді қолдаса, шамамен 16%-ы бұған қарсы дауыс берді», – деді орталық сайлау комиссиясының төрағасы Нұржан Шайлдабеков Оның айтуынша, Бішкекте 43,4%, Ошта 28,44%, Жалал-Абад облысында 45,94%, Ыстықкөл облысында 40,1%, Нарында 46,14%, Ош облысында 42%, Талас облысында 48,44 %, Шуда 38, 28%, Баткен облысында 42,12% дауыс берді. Айта кетейік, Қырғызстан Республикасының конституциясына 30 толықтыру енгізу ұсынылып отыр. Сондай-ақ, заң бойынша, сайлаушылардың 30%-ы дауыс берген болса, референдум өткен болып есептеледі.