Елбасы: Астана Еуразия жұлдызына айналады

Болашақта Астана Еуразияның жұлдызы болады. Бұл туралы бүгін Елордада Қазақстан Тәуелсіздігінің 25 жылдығына арналған 25 қырлы монументтің ашылу салтанатында Нұрсұлтан Назарбаев айтты. "Біздің Астанамыз дамып жатыр. Өздеріңіз көріп отырғандай, оның дамуын тежеу мүмкін емес. Бұрын көбі бар қаражат Астанаға жұмсалып жатыр деп айтушы еді. Ал қазір Астана мемлекеттің бюджетіне қыруар қаржы түсіруде. Триллиондаған пайда тауып, өзі дамып, мемлекетке де, мемлекеттік бюджетке де септігін тигізіп жатыр. Болашақта Астана тек бізді ғана таңдандырмай, Еуразияның жұлдызы атанып, ғылым мен мәдениеттің орталығына айналады", деді Нұрсұлтан Назарбаев. Суретті түсірген Ерлан ОМАРОВ, "Егемен Қазақстан".