Түркиядағы қазақстандық туристерге сақтық шараларын сақтауға кеңес берді

ҚР ИДМ Туризм индустриясы департаменті Түркияда жүрген қазақстандық туристерге сақ болу, қонақ үйден ұзамау және адам көп жиналған орындарға бармау жөнінде кеңес берді. «Инвестициялар және даму министрлігінің Туризм индустриясы департаменті Түркия аумағындағы қазақстандық туристерді қонақ үйден ұзамауға және адам көп жиналған орындарға бармауға шақырады», – деп жазды ҚР ИДМ Туризм индустриясы департаментінің директоры Марат Иғали өзінің Facebookтегі парақшасына. Айта кетейік, 2016 жылы 19 желтоқсанда Анкарада «Ресей Калининградтан Камчаткаға дейін» атты көрменің ашылуында Түркия Республикасындағы РФ Төтенше және өкілетті елшісі Андрей Карловқа қастандық жасалды және ол алынған жарақаттан мерт болды.