Криштиану Роналду ­– Еуропаның 2016 жылғы үздік спортшысы

«Реал» футбол клубының және Португалия ұлттық құрамасының шабуылшысы Криштиану Роналду 26 ақпарат агенттігінің нұсқасы бойынша Еуропаның 2016 жылғы үздік спортшысы деп атанды. Дауыс беру нәтижесінде ол шотландиялық теннисші Энди Маррейден, Рио Олимпиадасының алтын жүлдегері венгриялық Катинка Хоссуден басым түсті. Биыл португалиялық футболшы Чемпиондар лигасын, Еуро-2016 додасын, клубтар арасындағы әлем чемпионатын жеңіп алды. Сондай-ақ, жуырда мансабындағы төртінші «Алтын добына» қол жеткізді. Айта кетейік, польшалық РАР бұл сауалнаманы 1958 жылдан бері өткізіп келеді. Оған Efe (Испания), France Presse (Франция), Agerpress (Румыния), ANP (Голландия), APA (Австрия), ATA (Албания), Belga (Бельгия), БелТА (Беларусь), BTA (Болгария), CTK (Чехия), DPA (Германия), Elta (Литва), Fena (Босния және Герцеговина), Hina (Хорватия), Leta (Латвия), Lusa (Португалия), Moldpres (Молдова), SDA-ATS (Швейцария), SHGSK (Косово), SID (Германия), Sita (Словакия), STA (Словения), Tanjug (Сербия), ТАСС (Ресей), Укринформ (Украина) және PAP (Польша) агенттіктері қатысты.