Венадағы Қазақстан фотокөрмесі

1 қыркүйекте Венада дипло­ма­тиялық корпустың кеңінен қа­тысуымен Семей ядролық сынақ полигоны жабылуының 20 жыл­ды­ғына арналған фотокөрме ашы­л­ды. Экспозиция поли­гон­ның тарихы, «Невада-Семей» ан­ти­ядролық қозға­лы­сы және тәу­елсіз Қазақ­станның жа­һандық ядролық қарусыз­да­ну мен таратпау сала­сын­дағы үлесі жайында баян­дайтын фотосуреттер, құ­­жат­тар және схема тү­рін­дегі материалдардан құ­ралған. Фотокөрме ЕҚЫҰ Штаб-пә­тері орналасқан Хофбург сарайы залдарының бірінде орналасқан. Көрме келушілеріне Семей эко­логиялық апатының ауқымы мен полигон тағдырындағы 29 тамыз күнінің маңыздылығы ту­ралы айтылды. 1949 жыл­дың дәл сол күні алғашқы атом жарылысы жасалды, ал 42 жыл өткен соң, 1991 жылы Қазақстан Респуб­ли­касының Президенті Нұр­сұл­тан Назарбаев Семей по­лигонын жабу туралы Жар­лыққа қол қойды. Соңында БҰҰ Бас Ассамблеясы 29 тамызды Ядролық сынақ­тар­ға қарсы іс-қимылдың ха­лық­­аралық күні деп жа­риялады. Фотокөрме 8 қыркүйекке дейін жалғасады. Бұл көр­мені кейін БҰҰ-ның Вена­дағы Штаб-пәте­ріне қойып, оны қазан айында Астана, Семей және Курчатов қа­ла­ларында өтетін «Ядросыз әлем үшін» халықаралық конфе­ренциясына орайлас­тыру жоспарлануда. Талғат ЖҰМАҒҰЛОВ, «Егемен Қазақстан» – Венадан.