31 желтоқсанға арналған ауа райы

31 желтоқсанда Қазақстан аумағының басым бөлігінде қолайсыз ауа райы сақталып, атмосфералық ағындардың өтуіне байланысты қар, бұрқасын, тұман, көктайғақ болып, жел күшейеді. Тек қана еліміздің оңтүстігінде және оңтүстік-шығысында ғана жауын-шашынсыз болады, деп хабарлайды Қазгидромет. Ақмола облысының кей жерлерінде түнде, басым бөлігінде күндіз бұрқасын болады, жел 15-20, күндіз екпіні 25 м/с  күшейеді. Жамбыл облысының кей жерлерінде тұман, көктайғақ, бұрқасын болады, жел 15-20 күндіз екпіні 25 м/с  күшейеді. Қызылорда, Атырау облыстарының кей жерлерінде тұман, көктайғақ күтіледі. Шығыс Қазақстан облысының кей жерлерінде тұман, бұрқасын болып, жел 15-20 м/с күшейеді. Маңғыстау, Ақтөбе,  Оңтүстік Қазақстан облыстарында, түнде Алматы облысының кей жерлерінде тұман күтіледі. Қостанай, Қарағанды облыстарының кей жерлерінде жел 15-25 м/с  күшейеді, бұрқасын болады. Павлодар облысының кей жерлерінде түнде, басым бөлігінде күндіз жел 15-20 м/с күшейеді, кей жерлерінде бұрқасын болады. Солтүстік Қазақстан облысында жел жел 15-20 м/с күшейіп, бұрқасын болады.