Мәжіліс депутаттары Ақмола облысына жұмыс сапарымен барды

Ақмола өңіріне кезекті іс сапармен келген ҚР Парламенті Мәжілісінің депутаттары Сапар Ахметов, Ерсұлтан Бектұрғанов, Жанат Жарасов, Жексенбай Дүйсебаев және Михаил Чирков өз кездесулерін облыстық «Нұр Отан» партиясы активінен бастады. Халық қалаулылары бұқарамен кездесу барысында Парламент атқарған жұмысымен таныстырды. Сондай-ақ, Елбасының саясатын жүзеге асырудағы негізгі атқарылған жұмыстарына есеп беріп, бірқатар сұрақтарға жауап берді, деп хабарлайды baq.kz. Партия активімен өткен кездесуден соң, депутаттар одан әрі «Синегорья» Көкшетау сүт зауытының жұмысымен танысты. Халық қалаулылары сүт өндірісі барысында қолданатын заманауи технологияларды көріп, сүт өнмдеріне жоғарғы баға берді. «Синегорья» Көкшетау сүт зауыты» ЖШС – Қазақстан мен Ресей нарығын сапалы сүт өнімдерімен қамтамасыз етіп отырған бірегей өңдеуші зауыт. Мұнда консерванттар қолданбай, ұзақ мерзімге сақталатын өнім шығаруға мүмкіндік береді. Сонымен қатар, Зауыт тәулігіне 12 тонна сүт өнімдерін шығарады. Мекемеде 80-нен астам адам қызмет етеді. Бұдан әрі Мәжіліс депутаттары облыс орталығында орналасқан ҚР ІІМ-не қарайтын Көкшетау техникалық институтының оқытушы-профессорлық құрамымен және курсанттармен кездесіп, олардың материалдық-техникалық базасымен танысты. Бүгінде жоғарғы оқу орны қабырғасында 600 курсант білім алып жатыр, олардың ішінде Ресей мен Беларусь мемлекеттерің азаматтары да бар. Болашақ өрт сөндіруші мамандар толығымен мемлекет қарамағында.