Маңғыстау облысында ескерту дабылы іске қосылады

3 ақпан күні Ақтау қаласының төменгі және жоғарғы бөліктерінде электрдабыл қосылады. Бұл шара облыстық ТЖ жағдайындағы хабарландыру жүйесін тексеруден өткізумен байланысты. Сонымен бірге, таңғы 10:00-ден бастап облыстағы аудандарда да дабылдар іске қосылады, деп хабарлайды ҚазАқпарат. «Ақтау қаласы мен аудандардағы тексеру жұмыстары ҚР ІІМ 2015 жылғы 20 сәуірдегі №381 «Төтенше жағдайларда облыс мамандары мен халқына хабар беру, білімді насихаттау және оқыту қағидалары туралы» бұйрығына сәйкес және Азаматтық қорғау мемлекеттік жүйесі ұйымы мен басқару органдарының, күштердің, құралдардың дайындығын жетілдіру мақсатында жүргізіледі», – деп атап өтті Маңғыстау облыстық ТЖ департаментінің баспасөз қызметінің өкілі Гүлнар Қожабекова.