Лиам Смит: «Канело» өз күшін тексеру үшін кіші Чавеспен айқасады

WBO нұсқасы бойынша бірінші орта салмақта әлемнің бұрынғы чемпионы Лиам Смит мексикалық Сауль Альварес пен оның отандасы кіші Хулио Сезар Чавес арасындағы жекпе-жек жайлы өз пікірін білдірді. Бұл туралы sports.kz хабарлады. «Меніңше, «Канело» кіші Чавеспен өз күшін сынау үшін жекпе-жекке шығайын деп отыр. Альварес алысты ойлай білетін адам, оның үстіне бұл кештен оған қыруар қаржы түсетіні тағы бар. Чавес ірі денелі, мықты боксшылардың бірі болғанмен, Сауль оны жеңеді деп ойлаймын», – деді Лиам Смит. Сонымен қатар, британиялық боксшы Головкин мен Джейкобс арасындағы айқас жайлы да өз ойын білдірді. «Головкин бұл жерде Альварес секілді қадамға барды деп ойламаймын. Дэнни GGG үшін үлкен сынақ болмайды. Жұрттың қауесетін тыңдасам, Геннадий бұған дейін атақты ешкіммен жұдырықтаспапты. Есесіне, Джейкобстың Куиллинді ұтқанын бәрі жарыса айтады. Бірақ Дмитрий Пирогпен не болғанын еске түсіріп көріңіздерші. Меніңше, қазақстандық боксшы да дәл сол кеште болғандай 5-6 раундта жеңіске жетеді», – деді Fighthype.com тілшісіне.