Универсиада-2017. Қазақстан қоржыны тағы бір қоламен толықты

Алматыда өтіп жатқан қысқы Универсиада ойындарында биатлоншы Роман Еремин Қазақстан қоржынына қола жүлдені салды. Еремин 10 шақырымдық спринтте мылтық атудан екі рет мүлт кетіп, 27 минут 24.6 секунд көрсеткішпен үшінші болды. Алғашқы екі орынды Ресей спортшылары Семен Сучилов (27:02.3) пен Дмитрий Иванов (27:24.1) иеленді. Олар мылтық атуда нысанаға дәл тигізді. Қазір Қазақстан қоржынында бес алтын, екі күміс және алты қола жүлде бар.