Нұрсұлтан Назарбаев: Әйтеуір игеру үшін ақшаны шашуды тоқтату керек

Үкімет отырысына қатысып жатқан Мемлекет басшысы Нұрсұлтан Назарбаев бюджет ақшасын игеруге байланысты Қаржы министрі Бақыт Сұлтановты сынға алды. Министр өткен жылы 36 миллиард теңге игерілмегенін айтқан болатын. «Игеру деген термин бар. Жыл бойы ақша алынбайды. Сосын жыл соңында әйтеуір игеру керек деп ол ақшаны оңды-солды шаша бастайды. Бюджетті қорғау кезінде министрліктер ақша сұрайды. Соңында ақшаны игере алмайды. Яғни, олардың сұрауы негізсіз болған. Ендеше ол ақшаны игеріп жатқандарға беру керек. Бәрі тек ақша алуды ойлайды. Ал сен бәріне таратасың. Саған мемлекеттің қазынасы тапсырылған. Сен мемлекет ақшасын қорғап, үнемдеуің керек», деді Нұрсұлтан Назарбаев.