Жаңа реформалар бастауы

Елбасының 25 қаңтар күні Қазақстан Республикасы Президентінің билік тармақтары арасында өкілеттіктерді қайта бөлу мәселелері жөніндегі Үндеуі жарияланған болатын. Осыған орай жұма күні С.Жиенбаев атындағы облыстық жасөспірімдер кітапханасында «Елбасы Үндеуі – Жаңа реформалар» тақырыбында жиын өтті. Оған «Ақтөбе облысының үкіметтік емес ұйымдар қауым­­дастығы» Заңды тұл­ғалар бірлестігінің прези­денті Айгүл Дүйсенова, Мә­дениет қайраткері Ер­кін Құрманбеков және оқыр­мандар мен кітапхана қыз­меткерлері қатысты. Шара барысында интернет желісі арқылы Елбасының Үндеуі тыңдалды. Жиынды кітапхана қыз­меткері Лаззат Бөлтекова жүр­гізді. Ол – Елбасы рефор­масының негізгі бағытта­рына тоқталды, сонымен қатар, Конституцияға енгізіл­мек өзгерістер мен толық­тырулар туралы сөз етті. «Ақтөбе облысының үкі­меттік емес ұйымдар қауым­дастығы» Заңды тұлғалар бір­лестігінің президенті Ай­гүл Дүйсенова өз кезегінде жүзеге асырылғалы отырған Конституциялық реформа біздің мемлекет пен қоғам үшін өте маңызды екенін, жаңа өзгерістер мемлекеттің дамуына жаңа серпін әке­летінін қозғады. Мәдениет қайраткері Еркін Құрманбеков: «Тәуел­сіздіктің негізін қалап, қазақ мемлекеттілігін нығайт­қан Елбасы енді Қазақ­стан­ды Мәңгілік Елге айнал­дыруда. Бұл реформалар, Қазақстанның демо­кра­тиялық дамуының жаңа белесі болып саналады», – деді. Елбасымыздың Үн­деуін талқылау барысында кі­тапхана директоры Гүл­жайнар Калдина ой-пікірін білдіре отырып, жас ұрпақ азат ойлы, терең білімді болуы керектігіне, Елбасының Үндеуі елге үлкен серпіліс беріп, еңбек етуге деген құл­шынысты арттыратынына сенім білдірді. Шара барысында «Елба­сының Үндеуі – жаңа реформалар бастауы» атты кітап көрмесі ұйымдастырылып, библиографиялық шолу жасалды. Көрмеге «Еліне елеулі Елбасы», «Халыққа арнау», «Қазақстанның қазіргі заман тарихы», т.б. кітаптар мен Үн­деу жарияланған «Егемен Қазақстан», «Казахстанская правда», «Ақтөбе» газеттері қойылды. Ұржан КУДАСОВА, С.Жиенбаев атындағы облыстық жасөспірімдер кітапханасы директорының орынбасары АҚТӨБЕ