6 ақпанға арналған ауа райы

6 ақпанда Қазақстанның солтүстік-батыс бөлігі және шығысы арқылы атмосфералық ағындардың өтуіне байланысты кей жерлерде жауын-шашынды болады. Кей жерлерде тұман, көктайғақ, бұрқасын болып, жел күшейеді, деп хабарлайды Қазгидромет. Оңтүстік Қазақстан, Қызылорда, Маңғыстау, Қарағанды, түнде Алматы облыстарының кей жерлерінде тұман күтіледі. Батыс Қазақстан,  Ақтөбе, Қостанай, күндіз Ақмола облыстарының кей жерлерінде  жел 15-22 м/с күшейеді, бұрқасын болады. Атырау облысының кей жерлерінде бұрқасын, тұман, көктайғақ күтіледі, түнде жел 15-20 күшейеді. Солтүстік Қазақстан  облысының  кей жерлерінде жел 15-20 м/с күшейеді, бұрқасын, тұман болады. Шығыс Қазақстан облысының кей жерлерінде тұман күтіледі, түнде  жел 15-20 күшейеді.