ҚазАгро егістік науқанын қаржыландыруды бастады

«ҚазАгро» ұлттық холдингі ауылдағы егістік жұмыстарын қаржыландыруды бастады, деп хабарлайды холдингтің баспасөз қызметі. Ағымдағы жылы көктемгі-егіс және жинау жұмыстарына республикалық бюджеттен ҚазАгро холдингі арқылы жалпы соммасы 60 млрд. теңгенің қысқа мерзімді несиелері беріледі. Ал бюджеттен тыс қаржы көздері есебінен ауылшаруашылық техникасын сатып алуды қаржыландыруға «ҚазАгроҚаржы» АҚ арқылы шамамен 35 млрд теңгені бөлу көзделіп отыр. «Қаржыландырумен алғашқы кезекте ауылшаруашылығы кооперативтері қамтылады. Сондай-ақ мемлекеттік қаражатты пайдаланудың тиімділігін арттыру және отандық кәсіпорындардың жүктемесін арттыру мақсатында дақылдардың басымдықтарын есепке ала отырып, қаржыландыру механизмі енгізіледі, яғни Ауыл шаруашылығы министрлігі белгілеген дақылдарға (күнбағыс, рапс, зығыр,соя, арпа, қант қызылшасы, күріш, мақта, сұлы, картоп) басымдық жасалады», -делінген ресми хабараламада. Айта кетейік, «ҚазАгро» ұлттық холдингі қаржыландыруды үш бағытта жүргізеді.